Oila huquqi tushunchasi predmeti. Oila huquqi maqsadi, vazifasi. Oila huquqi tarihi

Nazorat uchun savollar:

1. Oila munosabatlariga nisbatan kollizion huquq va kollizion normalar qo‘llashga nisbatan yondashuvlarga ko‘ra O‘zbekiston huquqini tavsiflang.

2. Chet el elementi ishtirokidagi farzandlikka olishga nisbatan qo‘llaniladigan huquq va uning milliy huquq bilan o‘zaro nisbatini qiyosiy tahlil qiling?
3. O‘zbekiston Respublikasi fuqarosi bo‘lgan Xamidova Chexiya Respublikasi fuqarosi bo‘lgan Piter Chexga turmushga chiqdi. Ular nikohni O‘zbekiston Respublikasida qayd etishdi. Oradan besh yil o‘tgandan so‘ng oilaviy kelishmovchiliklar natijasida nikohdan ajralishga qaror qilishdi. Oilaviy turmushi davomida orttirilgan mol-mulkni bo‘lishda kelishuvga erisha olishmadi. Piter Chex bu masalalar Chexiya qonunchiligi bo‘yicha hal qilinishi, chunki er oila boshlig‘i hisoblanishini ta’kidladi. Xamidova esa, mazkur holatda mol-mulk O‘zbekiston Respublikasi qonunchiligi asosida er-xotin o‘rtasida teng taqsimlanishini qayd etdi.
Bu o‘rinda masala qanday hal qilinishi lozim? Chet el elementi bilan murakkablashgan huquqiy munosabatlarni tartibga solishning xususiyatlarini ko‘rsating.
4. Ota-ona qaramog‘idan mahrum bo‘lgan O‘zbekiston Respublikasi fuqarosi Soxibov Axmadni AQSh fuqarosi Jon Smit farzandlikka oldi.
Bunda farzandlikka olish tegishli tartibda rasmiylashtirildi va uni yashash uchun AQShga olib ketdi. Ma’lum vaqt o‘tgach, Jon Smit avariyaga uchrab vafot etdi. Shundan so‘ng, AQShdagi vasiylik va homiylik organi boshqa AQSh fuqarosiga farzandlikka berish masalasini ko‘rib chiqdi. Bundan xabar topgan O‘zbekiston Respublikasidagi vasiylik va homiylik organi Soxibov Axmadning O‘zbekistonga qaytarish masalasini ko‘tardi.
Mazkur masala qanday hal qilinadi? Agar Soxibov Axmadning qarindoshlari aniqlansa, Jon Smit hayot bo‘lganda ham uni O‘zbekistonga qaytarish mumkin bo‘larmidi?

GLOSSARIY