Oila huquqi tushunchasi predmeti. Oila huquqi maqsadi, vazifasi. Oila huquqi tarihi

Nazorat uchun savollar:

1. Voyaga yetmagan bolalarning huquq va manfaatlarini ta’minlash va himoya qilishga bir qator davlat organlari mas’ul hisoblanadi. Ota-ona qaramog‘idan mahrum bo‘lgan bolalarning huquq va manfaatlarini himoya qilish qaysi organ (tashkilot)lar tomonidan amalga oshiriladi?

2. Ota-ona qaramog‘idan mahrum bo‘lgan bolalar haqidagi ma’lumotlarni olish uchun manfaatdor shaxslar turli tashkilotlarga murojaat qilishlari mumkin. Bu borada ota-ona qaramog‘idan mahrum bo‘lgan bolalarni aniqlash va hisobga olish hamda davlat reestrini yuritish tartibini tushuntirib bering.
3. O‘zbekiston Respublikasining Xususiylashtirish, monopoliyadan chiqarish va raqobatni rivojlantirish qo‘mitasining Toshkent shahar boshqarmasi Toshkent shahri Yashnobod tumani Quruvchilar ko‘chasi 15-uy bir necha yillardan buyon egasiz, qarovsiz ahvolda ekanligi sababli tashlandiq ahvolda qolib ketganligi uchun mazkur xonadonni egasiz deb topish haqida da’vo arizasi bilan fuqarolik ishlari bo‘yicha Mirobod tumanlararo sudiga murojaat qildi. Ushbu xonadon fuqaro Alimovlarga tegishli bo‘lib, ular 2010-yilda avtohalokat tufayli vafot etishgan va ularning 2 nafar voyaga yetmagan farzandlari bo‘lgan. Biroq ular haqida hech qanday ma’lumot yo‘qligi sababli, ushbu xonadonni egasiz deb topish haqida da’vo qo‘zg‘atildi.
Mazkur holatda voyaga yetmagan shaxsni aniqlash, ularning mulkiy huquq va manfaatlarini himoya qilish, hisobini yuritish vazifalari kimning zimmasiga yuklangan? Voyaga yetmagan shaxsning huquq va manfaatlarini himoya qilish yo‘llarini ko‘rsatib bering.
4. Raximovlar oilasi 2000-yilda o‘zaro turmush qurishgan va o‘zaro nikohlaridan 2005-yilda Raximov Sardor tug‘ilgan. Fuqarolik ishlari bo‘yicha Sergeli tumanlararo sudining qaroriga asosan, 2008-yilda Raximovlar nikohdan ajratilgan. Shundan so‘ng Raximov Sardorning otasi Kamol Raximov farzandining ismini o‘zgartirishni talab qilib sudga murojaat qildi.
Mazkur holatda Kamol Raximovning talablari qonuniymi? Voyaga yetmagan shaxsning shaxsiy nomulkiy huquqlari doirasini tavsiflang.