Оғиз бўшлиғи аъзолари ва юз-жағ соҳалари тўқималарини

Суяклар гемангиомалари (жағ суяклари ўсмалари келтирилади) 
Лимфангиомалар
лимфа тизимининг онтогениз даврида дизэмбриогенез-
га учраши сабабли юзага келади. Уларнинг–бола туғилгандан сўнг қисқа вақт 
ичида (дарҳол) намоён бўлиши бунга асос бўла олади. Бошқа туғма нуқсонлар 
билан биргаликда учраши мумкин. Морфологик тузилиши буйича – капилляр–
каверноз, каверноз, кистоз, кистоз-каверноз шакллари тарқалишига кўра чегара-
ланган, тарқоқ (диффуз). Шунингдек юза ва чуқур жойлашган лимфангиомалар 
фарқланади. 
Шикоятлар.
Ўсманинг анатомик-топографик жойлашувига боғлиқ бўлиб, 
ўсма локализацияси юз юмшоқ тўқималарида бўлса, юзнинг ўсма туфайли оси-
либ қолиши ҳамда буруннинг бир томонининг катталашиб, кетиши, шунингдек, 
оғиз бушлиғи шиллиқ пардасидаги кўплаб майда тошмалар безовта қилади.
Клиник манзараси:
Ўсма жойлашган соҳанинг (симметрияси) шакли ўз-
гарради (асимметрия)нинг чегаралари аниқ бўлмайди, устидаги тери ранги эса ўз-
гармаган пайпаслаганда – юмшоқ ҳамирсимон консистенцияли, оғриқсиз. Лим-
фангиома атрофга кенгайиб ўсади, масалан, лунждан юқори лаб, кўз ости, бурун 
ёнига тарқалиб, унинг тери тоғай қисмларининг шаклини бузиб, пастга осилиб 
қолиши мумкин. 
Лимфангиома билан зарарланган оғиз шиллиқ пардаси кўплаб майда пу-
факчалар билан қопланади. Пуфакчалар тиниқ лимфа ёки қон аралаш лимфа би-
лан тўлган бўлиб, шиллиқ парда устида буртиб кўриниб яққол тўради.
Тарқалган лимфангиома юзнинг ярмини эгаллаб, нафақат юмшоқ тўқима-
лар шаклини ўзгартиради, балки узоқ вақт суякка ўз вазни билан босим ўтказиб, 
юз скелетининг иккиламчи деформациясига олиб келади. 
Тилнинг тарқалган лимфангиомаси, одатда, макроглоссияни юзага келти-
ради. Тил катталашиб, пастки жағни олдинга ва пастга суради, натижада, тишлар-
нинг очиқ окклюзияси шаклланади. Фақат пастки жағ молярлари ўз антагонист-
486 

---

лари билан контакт (жипслашув)да бўладилар. Лимфангиома яллиғланишга 
мойил бўлади. Куз-баҳор ойларида ўткир респиратор вируслар инфекцияси 
кўпайган даврда кўпроқ учрайди. Яллиғланиш жараёнига жароҳат, сурункали 
пульпит, периодонтит ва тонзиллитнинг ўткирлашуви ҳам сабабчи бўлиши мум-
кин. 
Лимфангиома яллиғланганда ўсма катталашади, яллиғланиш инфильтрати 
ҳосил бўлиб, устидаги тери таранглашади ва қизаради ҳамда пайпаслаганда, 
оғрийди. Одатда, яллиғланиш зардобли кечади ва йирингламайди. 
Тилда жойлашган лимфангиома яллиғланса, мушаклар орасида қонталаш 
ҳосил бўлади. Тил катталашиб, оғизга сиғмай қолади. Шиллиқ пардадаги пуфак-
чалар буртиб ёрилади ва улардан лимфа аралаш қон оқади. Тилнинг ранги тўқ қи-
зил-кўкимтир тус олади.