Оғиз бўшлиғи аъзолари ва юз-жағ соҳалари тўқималарини

Даволаш тамойиллари.
Юмшоқ тўқима ўсмаларини даволашнинг асосий 
усули – жарроҳлик йўли билан олиб ташлаш бўлиб, хавфсиз ўсмаларни болалар 
474 

---

жарроҳлик стоматологияси бўлимларида ёки стоматологик поликлиника 
шароитида, хавфли ўсмаларни эса – болалар онкологик марказларида даволаш 
мақсадга мувофиқ бўлади. 
Уларнинг жарроҳлик усулида даволашнинг шартлари мавжуд бўлиб, 
биринчиси – радикализмдир, яъни бу ўсма тўлиқ (радикал) олиниши лозимлигини 
англатади. Ўсма (айниқса, хавфли ўсмалар)нинг қисман олиниши қатъиян ман 
этилади. Чунки бундай фаол аралашув абластика ва антибластика принципларига 
зид ҳисобланиб, унинг оқибатида ўсма (tumor)нинг ўсиш суръати янада 
жадаллашиб, хавфлилик даражаси ҳам ортиб кетишига шифокорнинг ҳатти 
ҳаракатлари сабабчи бўлиши мумкин.Кейинги босқичда радикал олиб ташлаш 
қийинлашади. Иккинчи шарт – хавфли ўсмаларни олиб ташлаш учун лазерэлектр 
қуввати ёрдамида кесувчи асбоблар ишлатилади ва операцион жароҳатга маҳсус 
(онкологик клиникаларда) ишлов берилади. Бу сайъи ҳаракатларнинг барчаси 
атипик тузилишга эга бўлган ҳўжайралар диссеминацияси (тарқалиши) олдини 
олишга қаратилгандир. Учинчи шарт – ҳар қандай олиб ташланган ўсма 
(макропрепарат) албатта гистологик (патоморфологик) текширувдан ўтказилиши 
керак. 
Айрим ўсмаларни консерватив усуллар билан даволаш мумкин. Криоде-
струкция–(суюқ азот билан) музлатиш, склерозлаш (70
0
спирт, тромбовар) – асеп-
тик яллиғланиш ҳисобига чандиқ ҳосил қилиш, СВЧ (ЎВЧ)– гипертермия, нур-
лантириш, кимётерапия ўтказиш шулар жумласидандир. Бу усуллар ёрдамида 
ўсма тўқимаси чандиққа айлантирилади, кейинчалик реконструктив тиклов опе-
рациялари ёрдамида юзнинг шакли тикланади. 
Хавфли ўсмаларни даволашда жарроҳлик усули билан бир қаторда нур 
(радиотерапия), ўсмага қарши цитостатик кимёпрепаратлар, гормонлар ва улар-
нинг комбинацияларидан фойданилади.