Оддий стерженли механизмларни лойиҳалаш

 6.6 расм

Cилкинувчи гидроцилиндрли механизмни лойихалашда бу бурчак қандай ҳисобга олинишини кўриб чиқамиз. 6.6б-расмда кўрсатилганидек бу механизм кузовни ағдариш механизми ҳисобланади (самолёт оёқларини олишни лойиҳалаш ҳам шунга ўхшашдир). Уни лойиҳалашда шток 2 дан гидроцилиндр 3 кузов 1 га кучни узатиш шартини ҳисобга олиш керак. Бу шартлар силкинувчи гидроцилиндр С нуқтасининг жойлашиш жойига қараб ўзгариши мумкин. Бу нуқтанинг ҳолатини аниқлаш методи 6.6в- расмда берилган. Берилган қийматлар қуйидагича:
- АВ звенонинг узунлиги;
- АВ звенонинг бурилиш бурчаги, яъни, унинг четки АВ’ ва АВ’’ ҳолатлари;
- гидроцилиндрнинг силкиниш нуқтаси ва В нуқта орасидаги минимал масофа, яъни ВС_min;
- В нуқтадаги рухсат этилган босим бурчаги [α].

Силкинувчи гидроцилиндр С нуқта ҳолатини аниқлаш талаб этилади. Механизмни четки ҳолатларида кучни узатиш шарти энг мураккаб бўлганлиги учун, звенонинг АВ’ ва АВ’’ ҳолатларини кўрамиз. Гидроцилиндр штоки АВ звенога В нуқтада бўланганлиги сабабли, куч гидроцилиндрдан звенога бу нуқта орқали узатилади. Куч вектори тезлик вектори билан В нуктада исталган бурчак ҳосил қилади, рухсат этилган босим бурчаги оралиғида В’ нуқтадан тезлик таъсир чизигини звенога перпендикуляр қилиб ўтказамиз, ва бу чизиқдан соат стрелкаси йуналишида [α] бурчакни қўямиз. Бу иккиланган бурчакнинг ичида гидроцилиндрнинг куч вектори ётади, ёки В’С кесма, B’ нуқта билан гидроцилиндр силкиниш нуктасининг учрашган нуқтасидир. B’’ нуқтада ўхшаш қурилишларни қилиб, B’ ва B’’ нуқтадан иккита иккиланган [α] бурчакни қўйиб, 6.6в – расмда штрихланган умумий зона чегараларини ҳосил қиламиз. Агар куч гидроцилиндрдан звенога В нуқта орқали бу зонанинг ичида жойлашиб ўтқазилса, бу кучни узатиш шарти звенонинг икки четки ҳолати учун яхши бўлади. Бу зонанинг ичида гидроцилиндрнинг силкиниш нуқтаси В’ нуқтадан ВС_min оралиғида жойлашади. Конкрет С нуқтанинг ўрни ВС_min радиусида қўшимча конструктив шартларни бериб топилади, агарда улар йуқ бўлса, ихтиёрий танланади.