Odam anatomiyasi va fiziologiyasi

Qo‘l  suyaklarining  birikishi.  Qo‘lning  erkin  suyaklari  yelka, 
tirsak va boshqa ko‘plab bo‘g‘imlar hosil qiladi. Yelka bo‘g‘imi yelka 
suyagining  sharsimon  boshchasi  va  kurak  suyagining  bo‘g‘im 
chuqurchasidan  hosil  bo‘ladi  (30-rasm).  Bo‘g‘im  chеtlari  tog‘aydan 
iborat lab (pushta) bilan o‘ralgan. 
 
 
 
 
 
 
 
 
 
 
 
 
 
 
 
 
30-rasm. Yelka bo‘g‘imi kеsmasi 
1-bo‘g‘im kapsulasi, 2-bo‘g‘im bo‘shlig‘i, 3-yеlka suyagi boshchasi,  
4-kurak suyagi bo‘g‘im chuqurchasi, 5-bo‘g‘im labi, 6-yеlkaning ikki 
boshli muskuli uzun boshchasining payi. 
 
Bo‘g‘im  kapsulasi  yaxshi  rivojlangan;  uni  tumshuqsimon  yelka 
payi ushlab turadi.  
Bo‘g‘imni uning atrofida joylashgan muskullar, ayniqsa bo‘g‘im 
bo‘shlig‘i  ichidan  o‘tadigan  ikki  boshli  muskul  payi  mustahkamlab 
turadi. Shakliga binoan yelka bo‘g‘imi sharsimon bo‘g‘imlarga kiradi. 
Yelka  bo‘g‘imida  harakat  har  tomonlama,  jumladan  frontal  (yelkani 
oldinga va orqaga harakati), sagittal (yelkani tanadan uzoqlashtirish va 
yaqinlashtirish),  vеrtikal  (yelkani  ko‘tarish  va  tushirish)  o‘q  bo‘ylab 
sodir  bo‘ladi.  Yelka  suyagi  bo‘g‘im  atrofida  aylanma  harakat  ham 
qiladi. 
Tirsak bo‘g‘imi yelka, tirsak va bilak suyaklaridan hosil bo‘lgan 
- murrakab bo‘g‘im hisoblanadi (31-rasm).  

---

58