Ochiq faoliyat ishlanmasi

KERAKLI RESURSLAR:
Mavzuga oid rasmlar, AKT,
FAOLIYATNING BORISHI:
T arbiyachi: -
O, ona sayyora, kurrai qutlugʼ,
Samodan suvrating ilk bora koʼrdim.
Havoyi bir xayol sehri emas, yoʼq,
Farzand mehri bilan men boqib turdim.
Аssalomu alaykum, bolajonlar! Bugungi oʼyin mashgulotimiz
«Er sayyorasi - umumiy uyimiz» deb nomlanadi. Biz yashayotgan, har
kuni quvnab yurgan Yer sayyorasidan har birimiz qarzdormiz.
А rchazor, oʼrmonlar, bogʼlar, daryolar bularning bari tabiatning
buyuk neʼmatidir. Tabiat esa bizni oʼrab turgan atrofimizdagi olamdir. Bu olamning oʼziga xos jumboqlari, sir- sinoatlari har qanday insonni lol qoldiradi. Tabiatga doʼst boʼlsakkina, u bizga doʼst boʼladi. Bolalar, hozir eʼtiboringizni mana bu monitorga qaratinglar. (Monitorda ikkita bola suvga axlat tashlab sochib ketgani, bitta qizcha muzqaymoq yeb, uning qog’ozini yerga uloqtirgani yana bir odam xazonlarni yotsib yuborgani koʼrsatiladi).
T arbiyachi: - Bolalar, ushbu voqealarga munosabatingizni bilmoqchi edim.
1- bola: - Bobom suvga narsa uloqtirish eng katta gunoh deydilar.
2- bola: - Yerga chiqindilarni tashlash ham xunuk ish.
Tarbiyachi: - Bolajonlar, yerda suv zaxirasi cheklangan.
Qaysidir mamlakatlar hatto ichimlik suvini sotib olib
isteʼmol qilishadi. Biz esa suvni isrof qilamiz, unga axlat
t ashlaymiz. Аfsuski, ona zamin, yer sayyorasi vaqti kelib bizdan oʼchini olmasa edi deb qoʼrqamiz. Аytinglar-chi, hozir koʼrganingiz
qizaloqdek hamma oʼz chiqindisini yerga tashlayversa nima boʼladi?
3- bola: - Hammayoq iflos boʼlib ketadi.
Tarbiyachi: - Yerning tozalagini saqlash faqatgina farroshlar yoki onalarimiz uchun kerak deb oʼylaganlar yanglishadi. Yerdagi chiqindilarning hidi havoga tarqaladi va biz iflos havodan nafas olsak, oʼzimiz kasallanishimiz mumkin. Shu yoʼldan oʼtayotgan yoʼlovchilar ham chiqindilarni koʼrib koʼngli xira tortadi.
Tarbiyachi: - Bolajonlar, mana bu topishmoqning javobini
a ytsangiz, mashgulotimizni davom ettiramiz.
Uzun boʼyli qiz ketdi.
Toshga tegdi tarq etdi,
Sirgʼalari yarq etdi»
4- bola: - Suv.
Tarbiyachi: - Toʼppa-toʼgri. Bolalar, hech mashinani yuvishganini kuzatganmisiz? Bir mashina yuvilishi uchun haddan tashqari koʼp suv ishlatiladi. Yetmaganiga suv ariqqa oqizib ham qoʼyiladi. Lekin bir unimizni suvsiz tasavvur qila olamizmi?
Bolalar: - Yoʼq.
Tarbiyachi: - Suv yashnatuvchidir, suv yaratuvchidir. Biz esa ona sayyoramiz neʼmati suvni ham isrof qilyapmiz, behuda ishlatyapmiz. Аgar har birimiz har kuni ozozdan tejab borsak ham anchagina suv zaxirasi
t oʼplanadi. Bolajonlar, yer sayyorasidagi ajoyib oʼsimliklar va hayvonot dunyosini qoʼriqxonalar oʼzida saqlab boradi. Аynan qoʼriqxonalar sabab ayrim hayvonot dunyosi va oʼsimliklarning noyob turlari yoʼqolib ketmayapti. Endi ayting-chi, bugungi mashgʼulotdan olgan xulosangiz sifatida ona sayyorani saqlash uchun siz nima qila olasiz?
5- bola: - Hovli va koʼchalarni har kuni supuraman.
6 - bola: - Xazonlarni yoqmayman.
7- bola: - Suvni bekorga ishlatmayman.
8- bola: - Daraxtlarning shoxlarini sindirmayman.
9- bola: - Gullarni uzib tashlamayman.
Tarbiyachi: - Barakalla, agar har kuni ona sayyoramizni shunday ardoqlasak, u ham bizni oʼz chiroyi bilan xursand qilaveradi.