Ochiq dars ishlanmasi darsning maqsadi

Buxoro viloyati Shofirkon tumani 16-son umumiy oʻrta ta’lim maktabi
oʻqituvchisi Isroilov Akbarning 6v-sinfida matematika fanidan
“Sonlarni koʻpaytirish” mavzusida tashkil etgan
OCHIQ DARS ISHLANMASI


Darsning maqsadi
Ta’limiy: Dars jarayonida oʻquvchilarga mavzu yuzasidan, ya’ni har xil ishorali sonlarni koʻpaytirish qoidalari yuzasidan tushunchalar berish. Oʻquvchilarning fanga oid bilim va koʻnikmalarini oshirish.
Tarbiyaviy: Oʻquvchilarning komil inson boʻlib ulgʻayishlari uchun ularni bilimga boʻlgan hurmat va oʻz kuchlariga boʻlgan ishonch ruhida tarbiyalash.
Rivojlantiruvchi: Oʻquvchilarning matematik hisoblash va fikrlash qobiliyatlarini oshirish. Ularning tafakkuri va nutqini oʻstirish.

Dars koʻrgazmali qurollari va jihozlari: Yozuv doskasi, rangli boʻrlar, mavzuga doir suratlar, kompyuter va proektor.

Darsda qoʻllaniladigan interfaol usullar: “Aqliy hujum”, “Diqqatni jamlash”, “Aqlni jarxlash”, “Jadvalli jumboq”, “Mustaqil ish”, “Munozara bahs” va “Suhbat”

Darsning vazifalari: Mavzuga oid materiallar bilan ishlash uchun alohida kichik guruhlar ajratish, jamoa bilan suhbat oʻtkazib oʻquvchilarning mavzuga oid bilimlarini oʻrganish, suhbat munozara orqali oʻquvchilarning mavzu yuzasidan xulosa chiqarishlariga va chiqarilgan xulosalarning mohiyatini tushunishlariga erishish. Ularning bilimlarini oʻzlari orqali baholash.

Kutilayotgan natijalar
Oʻqituvchi: Oʻquvchilarning oldin olgan bilimlarini esga olish asosida ularning faolligini oshiradi, qisqa vaqt ichida mavzuni barcha oʻquvchilar oʻzlashtirishlariga erishadi, oʻquvchilarning oʻrganganlarini amalda qoʻllashi, mustaqil izlanishi, darslikdan tashqari manbaalar bilan ishlashlari uchun imkoniyat yaratib beradi.
Oʻquvchilar: Yangi olgan bilimlari bilan oʻzlaridagi bilimlarini boyitadi, dars mobaynida fikrlaydi, mushohada yuritadi. Janoa bilan ishlashni ham yakka tartibda ishlashni ham oʻrganadi, nutqi rivojlanadi, oʻrganganlari boʻyicha kelib chiqadigan xulosalarni ayta oladi, aytilgan xulosalarni toʻgʻri yoki qisman toʻgʻriligini tushunadi va izohlab bera oladi.