Объектга йўналтирилган программалаш тамойиллари

Полиморфизм

• Полиморфизм –бу коднинг, бажарилиш пайтидан юзага келадиган ҳолатга боғлиқ равишда ўзини турлича амал қилиш хусусиятидир. Полиморфизм – бу фақат объектлар хусусияти бўлмасдан, балки функциялар-аъзолар хусусиятидир ва улар хусусан, битта номдаги функция-аъзони, ҳар хил турдаги аргументларга эга ва бажаридаган амали унга узатиладиган аргументлар турига боғлиқ бўлган функциялар учун (ўрнида) фойдаланиш имкониятида намоён бўлади. Бу ҳолатга функцияларни қайта юклаш дейилади. Полиморфизм амалларга ҳам қўлланиши мумкин, яъни амал мазмуни (натижаси) операнд (берилган) турига боғлиқ бўлади. Полиморфизмнинг бундай турига амалларни қайта юклаш дейилади.

Полиморфизм

• Полиморфизм яна бир таърифи қуйидагича: полиморфизм – бу таянч синфга кўрсаткичларнинг (мурожаатларнинг), уларни виртуал функцияларни чақиришдаги турли шакл (қийматларни) қабул қилиш имкониятидир. С++ тилининг бундай имконияти кечиктирилган боғланиш натижасидир. Кечиктирилган боғланишда чақириладиган функция-аъзолар адреслари дастур бажарилиши жараёнида динамик равишда аниқланади. Анъанавий дастурлаш тилларида эса бу адреслар статик бўлиб, улар компиляция пайтида аниқланади (олдиндан боғланиш). Кечиктирилган боғланиш фақат виртуал функциялар учун ўринли.

Синфлар

• Синф тушунчаси С++ тилидаги энг муҳим тушунчалардан биридир. Синф синтаксиси структура синтаксисига ўхшашдир ва унинг кўриниши қуйидагича:
• class <синф номи>
• { // синфнинг ёпиқ берилганлар–аъзолари ва функциялар–
• // аъзолари
• public:
• // синфнинг очиқ берилганлар–аъзолари ва функциялар–
• // аъзолари
• }
• <объектлар рўйхати>

Синф объектлари

• Одатда синф тавсифида <объектлар рўйхати> қисми шарт эмас. Синф объектлари кейинчалик, зарурат бўйича эълон қилиниши мумкин. Гарчи <синф номи> қисми ҳам мажбурий бўлмаса ҳам, унинг бўлгани маъқул. Чунки <синф номи> берилганларнинг турининг янги номи бўлиб, унинг ёрдамида шу синф объектлари аниқланади.
• Синф ичида эълон қилинган функция ва берилганлар шу синф аъзолари ҳисобаланди. Синф эълонининг ичида эълон қилинган ўзгарувчилар берилганлар-аъзолар, синф ичида эълон қилинган функциялар функциялар–аъзолар дейилади.