O `zbekiston Respublikasi Sog`liqni saqlash vazirligi Toshkent farmatsevtika instituti Farmatsevtik kimyo kafedrasi dori vositalarining instrumental tahlil usullari fanidan o`quv-uslubiy majmua

Novokainni spektrofotometrik usulda aniqlash.
Novokainning standart eritmasini tayyorlash uchun analitik tarozda uning 0,1 g miqdori tortib olingan qism ozgina tozalangan suvda eritiladi. So’ngra kolbada suyuqlik hajmi belgisigacha (100 ml) etkaziladi. Bu standart eritmadan suyultirish orqali konsetratsiyasi 30-40 mkg/ml bo’lgan novokain eritmasi tayyorlanadi va 220 dan 400 nm gacha to’lqin uzunligi oralig’ida shu eritma yutilish spektri o’lchanadi.
Keyin olingan natijalar bo’yicha yutilish spektri chiziladi va novokain eritmasining maksimum nur yutilishi topiladi. Keltirilgan adabiyotlarga ko’ra bu ko’rsatkich 290 nm ga teng to’lqin uzunligiga tegishli.


Atsetazolamidni spektrofotometrik usulda aniqlash
Atsetazolamidning(20 mkg/ml) standart eritmasini tayyorlash uchun etil spirti olish mumkin. Analitik tarozda 2 mg atsetazolamid tortib olib, 100 ml o’lchov kolbasiga solinadi. Avval oz miqdordagi erituvchida eritib, so’ngra qolgan erituvchi o’lchov belgisigacha quyiladi. Olingan eritmaning yutilish spektri 200dan 400 nm gacha bo’lgan diapazonda o’lchanadi. Atsetazolamidning etil spirtidagi eritmasi 264 nm to’lqin uzunligida maksimumga ega. UB-spektrlari 7-rasmda keltirilgan.

7-rasm. Atsetozalamidning etil spirtidagi UB spektrlari.


Furosemidni spektrofotometrik usulda aniqlash

Furosemidning standart eritmasini tayyorlash uchun turli erituvchilar olish mumkin (0,02 n natriy ishqori eritmasi, etil spirti). Analitik tarozda 0,1 g furosemid tortib olib, 100 ml o’lchov kolbasiga solinadi. Avval oz miqdordagi erituvchida eritib, so’ngra qolgan erituvchi o’lchov belgisigacha quyiladi. Olingan eritmaning yutilish spektri 220dan 400 nm gacha bo’lgan oralig’ida o’lchanadi. Furosemidning etanoldagi eritmasi 3 ta maksimumga ega: 225, 274, va 330 nm. UB-spektrlari 8-rasmda keltirilgan.

8-rasm. Furosemid (1) va 4-xlor-5- sulfamoilantranil
kislota(2)larining UB-spektrlari