O ramazonov, S. S. Buriyev meliorativ tuproqshunoslik

Tuproqni  geografik  rayonlashtirish  –  bu  har  bir  hududning 
joylashishi,  rel’yef  tuzilishi,  iqlim  sharoiti  va  tuproqlariga  ilmiy  asosda 
ta’rif berishdir. Rayonlashtirish ma’lum tartib, ya’ni tuproqlarning tekislik 
va  balandlikdagi  o‘zgarishi  mintaqaviylik  (zonallik)  va  provinsiyallik 
qonunlari  asosida  o‘tkaziladi.  O‘zbekiston  hududi  Turon  tuproq  iqlim 
provinsiyasiga  qarashli  bo‘lib,  umumiy  o‘zgaruvchanlik  (yog‘ingarchilik, 
o‘simliklarning  tarkibi  va  qalinligi,  suvning  bug‘lanish  miqdori  va  h.k.) 
shimoldan janubga va g‘arbdan sharqqa qarab sezilarli darajada o‘zgaradi. 
Tuproq  iqlim  provinsiyasi  bir-biridan  yer  yuzasining  orografik  belgilari 
(tog‘ cho‘qqilari, suv ayirgichlar) bilan chegaralanadi. 
Provinsiya  ichidagi  okruglar  bir-biridan  iqlim  sharoiti,  geologik 
tuzilishi,  rel’yefi,  tuproq  hosil  qiluvchi  yotqiziqlar  va  tuproqlari  bilan 
farqlanuvchi 
vodiy 
va 
daryo 
vohalaridir. 
Bunday 
okruglardan 
O‘zbekistonda 8 tadir: