O ramazonov, S. S. Buriyev meliorativ tuproqshunoslik

Irrigatsiya eroziyasiga qarshi:  
1)  egatning  nishabligi  2-3  gradus  va  uzunligi  150  m  bo‘lganda 
sug‘orishni  0,007  l/s  oqim  bilan  boshlab,uni  asta-sekin  0,10  l/s  gacha 
etkazish; 
2)  egatning  nishabligi  1-4  gradus  va  uzunligi  100  m  bo‘lganda  0,15-
0,10 l/s, qiyaligi 3-6 gradus bo‘lganda 0,10-0,05 l/s oqim bilan sug‘orish; 
3) qiyaligi 3-4  gradusli yonbag‘irlardagi nishab joylarda va sug‘orish 
egatlari uzunligi 150 m bo‘lganda 0,06-0,08 l/s oqim bilan “to‘rtlik” usuli 
bilan  sug‘orish,  ya’ni  maydonning  tikroq  qismida  suvni  har  bir  egatga 
berish,  nishab  qismida  esa  egat  oralatib  oqizish,  tikroq  qismidan  nishab 
qismiga o‘tishda ikki egatdagi suv oqimini bir egatga birlashtirish; 
4) nishabligi “qiya” dalalarda egatlarni eng kichik nishablik bo‘yicha 
olish; 
5) sug‘oriladigan tipik bo‘z tuproqlarda sug‘orishdan oldin egatlarning 
tubini  K-4  va  K-9  (polimer)  eritmalari  (6-24  kg/ga  sof  holda)  bilan 
namlash yaxshi natija beradi.  
Irrigatsiya eroziyasiga qarshi kurashda tuproqni himoyalovchi g‘o‘za-
beda almashlab ekish yaxshi natijalar beradi. Bunda bir paykalda qiyalikka 
ko‘ndalang qilib beda polosalari ekiladi, yerning 30 foizi bedaga, 70 foizi 
esa g‘o‘zaga qoladi. Bu usul eroziya jarayonlarini kamaytiribgina qolmay, 
2-3  yilda  joylar  almashishi  natijasida  eroziyaga  chalingan  tuproqlarning 
unumdorligini oshiradi.  
O‘g‘itlarni  dalaga  tabaqalab  solish.  Yemirilgan  yerlarda  ammoniy 
sulfat,  karbamid  va  ammofos  ishlatish  yaxshi  natijalar  beradi.  Fosforni 
ham  shunday  tabaqalashtirib  kuzda,  shudgordan  oldin,  qiyalikka 
ko‘ndalang qilib solish tavsiya qilinadi.  

---

120