О. Р. Райимбердиева бухгалтерия ҳисоби, ИҚтисодий таҳлил ва аудит

5600 "Пул эквивалентлари ва йўлдаги пул маблағлари"
счёти корхона кассасидаги 
пул ҳужжатлари (почта маркалари, давлат божи маркалари, векселлар ҳақи тўланган 
авиапатталар, дам олиш уйларига ва санаторияларга ҳақи тўланган йўлланмалар ва 
ҳоказоларнинг) мавжудлиги ва ҳаракати ҳақидаги ахборотни умумлаштиришга 
мўлжалланган. Пул ҳужжатлари 5600 "Пул эквивалентлари ва йўлдаги пул маблағлари" 
счётида номли қиймати бўйича ҳисобга олинади ва уларнинг аналитик ҳисоби пул 
ҳужжатларининг турлари бўйича юритилади. 5700 "Йулдаги жўнатмалар" счёти йўлдаги 
миллий ва ҳорижий валюталардаги пул маблағлари (ўтказмаларнинг), яъни корхонанинг 
ҳисоб-китоб счёти ёки бошқа счётида қайд этиш учун банклар кассаларида омонат 
кассаларга ёки почта бўлинмалари кассаларига киритилган, лекин ҳозирча белгиланган 
мақсад бўйича қайд этилмаган пул суммалари (асосан савдо тушуми)нинг мавжудлиги ва 
ҳаракати ҳақидаги ахборотни умумлаштириш учун мўлжалланган. Банк муассасалари, 
омонат кассалари почта бўлинмаларининг квитанциялари тушумни банк инкассаторларига 
топшириш учун илова қилинадиган қайдномалар нусхалари ва шу каби суммаларни 
(масалан, тушумни топширишда) 5700 "Йулдаги жўнатмалар" счёти бўйича ҳисобга олиш 
учун асос бўлади. 
Ҳорижий валюталардаги пул маблағлари (ўтказмаларнинг) ҳаракати 5700 "Йулдаги 
жўнатмалар" счётида алоҳида тарзда ҳисобга олинади. 
Шундай қилиб, пул маблағларини юқорида кўрсатилган тартибда тафтиш ва назорат 
олиб бориш корхонанинг пул маблағларининг самарали фойдаланиш имкониятини яратади. 
Назорат саволлари: 
1. 
Пул маблағларининг иқтисодий мазмуни ва моҳиятини тушунтириб беринг 
2. 
Нақд ва нақд пулсиз ҳисоб китоб операциялари ҳисоби қандай юритилади? 
3. 
Корхона кассасини текшириш тартибини айтинг 
4. 
Банкдаги махсус счёт операциялари ҳисоби қандай юритилади? 
Мавзуга оид асосий хулосалар: 
Пул маблағлари
- бу корхонанинг асосий тўлов воситаларидан бири ҳисобланади. 
Корхоналарнинг пул маблағлари асосан ҳисоб-китоб счётида, кассада, валюта счётида ва 
махсус счётларда сақланади. Пул маблағлари ҳисоби касса китоби, касса кирим-чиқим 
ордерлари, ҳисоб-китоб счётидан кўчирмалар ва бошқа ҳужжатлар ёрдамида юритилади.