О. Р. Райимбердиева бухгалтерия ҳисоби, ИҚтисодий таҳлил ва аудит

Корхона кассасини қайта рўйхат қилиш тартиби.
Касса муомалаларини аудит 
қилишни, кассадаги нақд пул ва қаътий ҳисобдаги бланкаларни, қимматбаҳо қоғозларни 
қўққисдан қайта рўйхат қилишдан бошланиши лозим. Қайта рўйхат қилиш корхона бош 
ҳисобчиси ва кассири иштирокида ўтказилиши керак. Қайта рўйхат қилиш олдидан аудитор 
ўзи иштирокида кассирдан қайта рўйхат қилинаётган санага касса ҳисоботини тузишни ва 
касса китобида пул маблағлари қолдиғини чиқаришни талаб қилиши ҳамда кассирдан пул 
маблағлари кирими ва чиқими бўйича ҳамма ҳужжатлар касса ҳисоботига қўшилганлиги 
тўғрисида тилхат олиши шарт. 
Кассадаги векселлар, акциялар, ҳар хил маркалар, санаторий ва дам олиш уйларининг 
пули тўланган йўлланмалари нақд пул сифатида эмас, балки пул ҳужжатлари сифатида 
ҳисобга олинади. 
Аудитор касса ҳисоботларининг ва касса қолдиғининг тўғрилигини текшириши шарт. 
Пулнинг қолдиғи ойнинг биринчи санасидан шу кунгача кирим ва чиқим ордерларини қайд 
этиш дафтари билан касса ҳисоботига илова қилинган касса ордерлари солиштирилади. Агар 
қандайдир фарқ аниқланганда, албатта сабабини аниқлаши зарур. Касса ҳисоботини 
текшириб чиққандан сўнг, аудиторга ҳисобот ва унга илова қилинган кирим ва чиқим 
ордерларига келгусида касса ҳисоботида ҳеч қандай тузатиш киритишга имкон бермаслиги 
учун қайд белгиси қўйиш тавсия этилади. Текширилган ва қайд белгиси қўйилган касса 
ҳисоботи 5010-"Касса" счётида қолдиқ чиқариш учун бухгалтерияга берилади. Шундан сўнг, 
пул ва бошқа моддий қийматликларни қайта рўйхат қилиш бошланади. Агар корхонада бир 
неча касса бўлса, улар муҳрланиб, бош кассадан қайта рўйхат қилиш ўтказилади. Пулларни 
аудитор иштирокида кассир санайди. 
Кассада ёпилмаган касса ҳужжатлари (тўлов қайдномалари, почта пул ўтказмалари, ота-
оналардан болалари мактабгача тарбия муассасаларида тарбияланаётгани учун йиғимлар 
қайдномаси) бўлса, кирим ва берилган пулни санаб чиқиши зарур. Охирги қолдиқни 
аниқлашда кирим суммасини қолдиқка қўшиб, чиқим суммасини айириб кўриши керак. 
Кассада кирим ордери билан расмийлаштирлмаган нақд пул ортиқча пул сифатида 
белгиланган тартибда кирим қилинади ва кирим ордери нусхаси далолатномага илова 
қилинади. Белгиланган тартибда расмийлаштирилмаган ҳужжатлардаги сумма камомад 
сифатида ҳисобга олинади. 
Кассадаги нақд пул ва бошқа қийматли қоғозлар кассани қайта рўйхат қилиш 
далолатномалари тузилади. Далолатнома охирида кассир ундаги пул маблағлари суммаси, 
Тайёрланган рефератингизда кириш, рефератнинг мақсади ва вазифалари, 2-3 та боб 
(тахлил қилган саволларингиз асосида) ва хулоса қисми бўлиши лозим. Реферат охирида 
фойдаланилган адабиётлар рўйхати келтирилади.