O ’qu V u sl ubiy m a jmu a

Me’morchilik
. Shayboniy hukmdorlar poytaxt Buxoro va uning atroflarini obod 
qilishga harakat qildilar. 1535-1536-yillarda qurilgan Mir Arab madrasasi, 1540-1541-yillarda 
bino qilingan Masjidi Kalon, 1549-yili Abdulazizxon qurdirgan koshinli xonaqoh, Mag’oki 
Attor masjidi (qayta ta’mirlangan), 1559-yili qurilgan Toqi Zargaron, Toqi Sarrofon, Toqi 
Kitobfurushon, Karmanadagi hazrati Qosimshayx xonaqohi, 1582-yili qurilgan uch darvozali 
Timi Kalon, 1581-yili bino qilingan Modarixon madrasasi, Oyposhsha oyim madrasasi, 1580-
yili bino qilingan Govkushon madrasasi, 1586-yili qurilgan Fathulla qo’shbegi madrasasi, 
1585-yili qurilgan Fayzobod xonaqohi, Do’stum madrasasi, 1577-1578-yillari qurilgan 
Abdullaxon madrasasi, Tim, Chorsu fikrimizning dalilidir. Samarqandda ham shayboniylar 
nomi bilan bog’liq binolar anchagina. Chunonchi, Shayboniyxon tomonidan qurila boshlab, 

---

77 
1515-1516-yillarda bitkazilgan Shayboniyxon madrasasi va Abdurahim Sadr madrasasi, 
Toshkentda bino qilingan Baroqxon madrasasi, Karmana yaqinida Zarafshon daryosi ustiga 
qurilgan ko’prik (1582) mashhurdir. 
Buxoroga kelgan ingliz elchisi Antoniy Jenkinson: «Buxoro juda katta shahar, unda 
g’ishtlik imoratlar, serhasham binolar ko’p. Hammomlar shunday mohirlik bilan qurilganki, 
ularning misli dunyoda yo’qdir», — deb yozadi. 
Ayniqsa, Abdullaxonning yurt obodonchiligi yo’lidagi sa’y-harakatlari tarixchilar 
tomonidan yuksak baholangan. Uning davrida markaziy hokimiyat kuchayishi tufayli katta 
qurilish ishlari amalga oshirilgan. Chunonchi, Abdullaxon 1000 dan ortiq rabot va sardoba, 
ko’plab madrasa, masjid, ko’prik, suv omborlari qurdirgan. Buxoroda juda katta savdo 
markazi bunyod etilgan. 
AbdullaxonIIning davrida Buxoro yaqinida Sumitan (Jo‘ybor) mavzesida Jo‘ybor 
xojalaridan Abu Bakr Sa’d mozori atrofiga madrasa, masjid, xonaqoh va chorbog‘, Buxoroda 
madrasa, hammom, Govkashon, Fathulla qushbegi, Mirakan, Xoja Muhammad Porso, Yangi 
Chorsu (1569–1570), tim (Abdullaxon timi), Karmana yaqinida Zarafshon daryosi ustiga 
ko‘prik (1582) qurilgan. Bu kabi inshootlar Toshkent, Samarqand, Balh va boshqa 
shaharlarda ham qurilgan. Turkiston shahridagi XojaAhmad Yassaviy maqbarasi, masjidi 
ta’mirlangan. 
Abdullaxon II ning nufuzli amiri Qulbobo Ko‘kaldosh sharafiga Toshkentda 
Ko‘kaldosh madrasasi qurilgan. Uning davrida shaharsozlik, ilm-fan taraqqiy etadi. Buxoro 
madaniyat, ilm-fan markazigaaylanadi. Buxoroda mashhur Abdullaxon kutubxonasi tashkil 
bo‘ladi. Unda mashhur hattotlar Mir Ali Hiraviy, Ahmad Husayniylar va boshqalar kitob 
ko‘chirish bilan mashg‘ul bo‘lishgan.
Sayid Hasanxoja Nisoriyning «Muzakkiri ahbob» asari Abdullaxon II ga 
bag‘ishlangan.Bu davrda shoir, adib va ilohiyotchi olimlardan Mushfiqiy, Nizom 
Muammoiy, Muhammad Darvish oxund, Qozi Poyonda Zominiy, MullaAmir, Muham mad
Alti Zohid, tabiblardan mavlono Abdulhakim va boshqalar yashab ijod etgan.
Abdullaxon II ning o‘zi ham iste’dodli shoir bo‘lib «Xon» taxallusi bilan o‘zbek va 
fors tillarida she’r yozgan. 
Harbiy san’at taraqqiy etgan. Qo‘shin tarkibini nayza, qilich, manjaniq, shotular bilan 
qurollangan otliq va piyoda qismlar tashkil qilganlar. XVI asr ikkinchi yarmidan qo‘shin Tur- 
kiyadan keltirilgan pilta miltiq va zambaraklar bilan qurollana boshlagan. 
Abdullaxon II markazlashgan davlatni tuzishda isyonkor zodagonlarni qattiqqo‘llik va 
shafqatsizlik bilan jazoladi, sultonlar, beklar, amirlar va o‘zining bir qator qarindosh-
urug‘larining boshlarini tanlaridan judo qildirdi. Ammo u har qancha qattiqqo‘l bo‘lmasin 
siyosiy tarqoqlik tartibotlariga qarshi kurashda ojizlik qiladi va bu tartibotlarning navbatdagi
qurboni bo‘ladi.
RivoyatlargaqaragandaAbdullaxonII o‘g‘li Abdulmo‘min tomonidan 1598-yili 
zaharlab o‘ldirilgan. BuishdaharbiyzodagonlarboshliqlaridanbiriMuhammadBoqibiytash- 
kilotchilik qilgan. Hokimiyatni zo‘rlik yo‘li bilan otasi qo‘lidan olgan oqpadar Abdulmo‘min 
yarim yil o‘tmasdanoq o‘zi ham boshqa bir dushman zodagonlar guruhi qo‘lida (1599) halok
bo‘ldi.
Shayboniylar hukmronligi yillarida eng oliy davlat idorasi dargoh hisoblangan. Uning 
tepasida oliy hukmdor–xon turgan. Oliy hukmronlik otadan bolaga emas, balki suloladagi eng 
ulug` namoyondaga o`tgan. Keyinchalik bu an`ana sulola ichidan oilaviy taxt vorisligiga 
o`tgan. Abdullaxon II davriga kelib, masalan, hokimiyat Iskandarxondan o`g`li 
Abdullaxonga, Abdullaxondan esa o`g`li Abdulmo`minga o`tgan. Ammo shayboniylar 
sulolasidagi davomiylik so`nggi paytga qadar ana shu tartibda shakllana olmagan. Abdullaxon 
II davrida Balx viloyati hokimligini valiahdga topshirish an`anasi shakllanib borgan. Biroq 
Shayboniylar faoliyatiga chek qo`yilishi bilan bu an`ana rivojlanmay qolgan. Bu an`ana 
ashtarxoniylar davrida yana tiklangan. 
Dargohdagi xondan keyingi davlat mansabi sardor, boshliq, yetakchi deb hisoblangan 
va u xonning eng ishonchli va yaqin kishilaridan biri bo’lgan. Qabul marosimlarida u xonning 
chap tomonidan joy olgan va davlatning ichki va tashqi siyosati, harbiy masalalarda xonnning 
birinchi maslahatchisi deb qaralib, xon farmon va yorliqlarida uning nomi birinchi bo`lib 

---

78 
qayd etilgan. Masalan: 1570 yili Buxoroda hokimiyatni tiklash jarayonida, buxoroliklar bilan 
muzokaraga xon o`z sardorini yuborgan. Bundan tashqari harbiy yurishni uyushtirish, 
dushman harbiy qudratini o`rganish, elchilik vazifalarini bajarish vazifalarini ham sardor olib 
borgan. 
Davlat tasarrufiga tegishli mansablardan yana biri–otaliqdir. U otasining o`rnini 
bosmoq mazmunini anglatadi. Ushbu xizmat hokimiyatning joylardagi viloyat–mulklardagi 
siyosatini belgilashda katta ahamiyatga ega bo`lgan. Zero, oliy hukmdor mamlakat qismlarini 
viloyatlarni sulola namoyondalari–shahzodalariga taqsimlab bergan. Balog`at yoshiga 
yetmagan shahzodalar, to ulg`ayib mustaqil faoliyat ko`rsatgunlariga qadar, otaliqlar 
hokimiyatni boshqarganlar. Ular butun bir viloyat taqdirini hal etib kelganlar.
Xonning chiqargan hukmini yorliq va boshqa rasmiy hujjatlarini o`z egalariga 
yetkazishga parvonachi javobgar bo`lgan.
Dargohga tushgan arzlarni qabul qilib, javobni berish, mamlakatdagi tartiblargaamal 
qilinishini nazorat qilish dodxoh zimmasiga yuklatilgan. Shuningdek u elchilarni qabul qilish, 
elchilik yumuchlarini tashkil etish va hatto shaxsan elchi sifatida boshqa mamlakatlarga borib 
kelish tadbirlarini bajargan. Ko`kaldosh, ya`ni ko`ngildosh mansabi dargohdagi muhim 
lavozimlardan biri hisoblangan. Bu lavozimga xon va sulolaning eng yaqin kishilaridan 
qo`yilgan. Oddiy qilib aytganda, mamlakatda xon olib borayotgan siyosat daxlsizligi, unga 
kishilarning munosabatlari kabi ishlarni nazorat qilib borish ko`kaldoshning vazifasi bo`lgan. 
Masalan: Abdullaxon II va Abdulmo`min o`rtasidagi qarama-qarshilikni bartaraf etishda 
Qulbobo ko`kaldosh asosiy o`rin tutgan. U xongaAbdulmo`min harakatlari va maqsadlarini 
oldindan bilib, to`g`ri ma`lumot bergan. Shuning uchun Abdulmo`min taxtga chiqqandan 
so`ng` Qulbobo ko`kaldoshdan qutilish uchun uni qatl ettirgan. 
Xon bilan shahzodalar o`rtasidagi aloqalarni, sulola ichki munosabatlariga oid 
tadbirlarni yo`lga qo`yishni xon yasovuli olib borgan. U shahzodalarni xon tomonidan qabul 
qilish, arzlar, iltimoslarini yetkazish kabi ishlarni bajargan. 
Dargohdagi tartib–intizom, keldi–ketdi, xavfsizlik ishlari eshik boshi zimmasida 
bo`lgan chap eshik og`osi, o`ng eshik og`osi. Ular urush paytlarida xonning eng muhim 
harbiy topshiriqlarini ham bajarganlar. 
Umuman olganda, o`sha zamonlarga xos ravishda davlat xizmatchilari urush 
paytlarida o`zlarining vazifalariga qo`shimcha qilib, harbiy faoliyat bilan ham 
shug`ullanganlar. 
Dargoh bilan bog`liq boshqa bir qancha xizmatlar ham bo`lgan. Bulardan asosiysi 
shayxulislom lavozimi bo`lib, uning davlat jamiyat va mafkuraviy hayotdagi o`rni yuksak 
darajada bo`lgan. Masalan, Abdullaxon II ni taxt uchun kurashda qo`llab-quvvatlagan Xoja 
Islom bo`lganligini eslashning o`zi kifoyadir. 
Din peshvolari nafaqat ijtimoiy hayotda, balki iqtisodiy munosabatlarda ham o`z 
mavqelarini yo`qotmaganlar. Shuning uchun ham vaqf mulklari bilan shug`ullanuvi maxsus 
xizmatlar joriy etilgan bo`lib, ularni mamlakat miqyosida bosh sadr, joylarda esa sadrlar 
boshqarganlar. 
XVI asrning oxiri XVIII asrning birinchi yarmida Shayboniylar va Ashtarxoniylar 
xususiy mulkchilikka asoslangan yer egaligi munosabatlari bosqichida edilar. Ayrim qabilalar 
tepasida voris zodagonlar–Chingizxon xonadonidan bo`lgan sultonlar turardi. O`z navbatida 
qabilalar, urug`lar vaavlodlarga bo`lingan edi. Ular sultonlar bilan birga qabilalarning 
yetakchisi beklar va biylar tomonidan boshqariladi. Ulardan eng qudratlilari xon etib 
saylanardi. Xonning o`z lashkari bo`lib qabilalarning yigitlari bilan birga uning qurolli 
kuchlarini tashkil etgan. 
Shayboniylar O’rta Osiyo hududlarini egallagach g`olib ko`chmanchilarning asosiy 
ommasi Toshkent yaqinida, Zarafshon vodiysi, Qashqadaryo, Surxondaryo va Sirdaryo 
vohalarida joylashdilar. Ko`chmanchilarning anchagina qismi Amudaryoning chap 
qirg`og`iga, hozirgi Afg`onistonning shimoliy hududlariga ko`chadilar. Yer-suvlar qaytadan 
taqsim qilinadi. Shayboniylar davlati dastlab mulklarga taqsimlangan. Buxoro, Samarqand, 
Toshkent, Balx, Hisor va boshqalar ana shunday mulklar hisoblangan. Mahalliy va 
ko`chmanchi zodagonlar bu mulk egalariga xizmat qilganlar. Yengilgan zodagonlarning yer-
mulklari va boyliklarini musodara qilingan, qarshilik ko`rsatganlar shafqatsiz suratda jazoga 

---

79 
mahkum etilgan. Jumladan, Xo`jaAxrorning Shayboniylar bosqiniga qarshilik ko`rsatishni 
uyushtirishga uringan o`g`li, yolg`iz merosxo`ri Muhammad Yaxyo qatl etiladi. Uning butun 
mol-mulki va dunyosi musodara qilindi va shayboniylarning ko`pdan ko`p qarindosh–
urug`lariga, katta yer egalariga, shayboniylarga yaqin va ularni qo`llab-quvvatlaydigan 
ruhoniylar vakillariga taqsimlab beriladi. 
Bunday tadbirlar natijasida hukmdor va boy amaldorlarning yangi tarkibi vujudga 
keldi. Bu yirik zamindor xo`jayinlar orasida ruhoniylarning vakillari bo`lmish Jo`ybor 
shayxlari o`zlarining qudratli va nufuzi bilan ajralib turar edilar. Ularning boyliklari shu qadar 
ko`p bo`lganki, uni faqat Xo`jaAxror boyliklari bilangina qiyoslash mumkin bo`lgan. Ammo 
mazkur shayxlar o`zlarining siyosiy ta`sir doirasi va nufuzi jihatdan Xo`jaAxrordan ham 
ustun bo`lganlar. Tarixchi Xofiz Tanishning yozishicha Jo`ybor shayxlaridan biri Xo`ja Sa’d 
Buxoro xoni Abdullaxonning murabbiysi va maslahatchisi sifatida siyosiy voqealarda katta 
nufuzga ega bo`lganki, u barcha siyosiy voqealarda shaxsan ishtirok etgan. Xo`ja Islom 
Abdullaxonning hokimiyat tepasiga kelishiga yordam bergan, shu bois xon uning ijobatisiz 
birorta ham muhim ishni boshlamagan. 
Bu hol shuni ko`rsatadiki, musulmon dini mafkurasi yer egaligi tizimi hukmronligiga 
batamom singib ketdi. Xullas, o`zbek qabilalari hukmronligi davrida ham ijtimoiy tuzumda 
o`zgarish bo`lgani yo`q, temuriylar davrida qanday bo`lsa, shundayligicha qoldi. Ya`ni, 
mulkka egalik qilishning mazmuni o`zgarmadi, faqat u bir qo`ldan ikkinchi qo`lga o`tdi, 
holos, yer mulki avvalgi asrlardagidek davlat mulki, xususiy mulk va vaqf mulkligicha qola 
berdi. Yer mulklarining ko`pchiligi davlatga qarashli yerlar edi. Dehqonlar davlat yerlaridan 
foydalanganliklari uchun olingan hosilning ma`lum bir qismini xiroj (yer rentasi) tarzida 
to`lardilar. Davlat yerlarining katta bir qismi o`zbek qabilalariga «yurtlar», harbiy va fuqaro 
shahslarga «suyurg`ol» yoki «tanho» sifatida in`om qilib taqsimlab berilgan. Yer in`om qilish 
natijasida davlat tomonidan bevosita nazorat qilinadigan dehqon aholisining qo`lidagi yer 
maydoni shu qadar kamayib ketdiki, natijada g`aznaga tuchadigan xiroj va boshqa soliqlar 
tushumi tobora kamayib ketadi. 
Shimoliy hududlardan O’rta Osiyo yerlariga kelib o`rnashgan etnik jihatdan turk-
mo’g’ul qabilalarining avlodi bo’lgan Dashti Qipchoq o`zbek qabilalari taraqqiyotda bu 
mintaqadagi mahalliy xalqlardan nisbatan ancha orqada bo`lganlar. Ular azaldan bu yerda 
yashab kelayotgan turkiy tilda so`zlashuvchi xalqlar bilan yaqinlashib, o`troq yashash tarziga 
o`ta boshlaganlar, dehqonchilik qilganlar, polizchilik bog`dorchilik bilan shug`ullanganlar, 
kosibchilik va hunarmandchilik madaniyatini egallaganlar. Dashti Qipchoq kelgan xalq 
mahalliy aholidan o`troq madaniy hayot kechirish sirlarini o`rganganlar vaana shu jarayonda 
birlashib, qo`shilib- qorishib ketganlar. Bu shundan dalolat beradiki, Dashti Qipchoq 
cho`llaridan ko`chib kelganlar asrlar davomida O’rta Osiyoda qadim-qadimdan yashab kelgan 
turkiy tilda so`zlashuvchi xalq tarkibiga kiradi. 
Prezidentimiz I.A.Karimov «Turkiston» gazetasi muxbirining bergan savollariga 
javoblarida istiqlolimizga tashqaridan, ichkaridan mafkuraviy tahdid solayotgan vositalardan 
biri tariximizni soxtalashtirish, buzish ekanigaalohida e`tibor berdi. Hozirgi kundagi 
mafkuraviy tahdidlardan biri —