O qo‘shmurodov, B. Shukuriddinov

Kontakt metamorfizmi jinslari

Kontakt metamorfizmi jarayonida eng ko‘p hosil bo‘ladigan jinslarga dog‘li slanetslar, tugunchakli slanetslar va rogoviklar kiradi.

Dog‘li slanetslar qoramtir rangli bo‘ladi. Metamorfizm jarayonining jadalligi tobora avj olishidan dog‘li slanetslar hisobiga tugunchakli slanetslar paydo bo‘ladi. Asosiy to‘qimaning ichki tuzilishi granoblast, lepidoblast. Mineral tarkibi kvars, plagioklaz, shox aldamchisi, slyuda va kordierit minerali mayda zarrachalaridan tashkil topgan. Andaluzit va kordierit minerali ko‘z bilan kuzatiladigan porfiroblast shaklida ishtirok etadi.

Rogoviklar – mayda donador qoramtir metamorfik jins. Ko‘pincha sharsimon bo‘ladi. Sinishi chig‘anoqsimon. Mineral tarkibi: kvars, slyuda, ko‘pincha dala shpatlari, granat, andaluzit, sillimanit, kordierit.