O’. Asqarova, Z. Qoraboeva, M. Samidjonova

Test sinovlar metodi- bu yozma javoblarning ommaviy ravishda yig’ib olish metodidir. Test sinovlarini (anketalarini) ishlab chiqish murakkab ilmiy jarayon. Pirovard natijada, tadqiqot natijalarining ishonchliligi anketalar mazmuniga, berilayotgan savollar shakliga, to‘ldirilgan anketalar soniga bog‘liq bo‘ladi. Odatda test savollarining ma’lumotlarini kompyuterda matematik statistika metodlari bilan ishlashga imkon beradigan qilib tuziladi.
Ta’lim muassasasi hujjatlarini tahlil qilish metodi -bunda o‘quvchi- talabalarning umumiy miqdori, uning o’sishi yoki kamayish sabablari tavsifi, o’quvchi-talabalarning fanlar bo‘yicha o’zlashtirish darajasiga, sinf yoki kursidan qolishning oldini olish, rag’batlantirish va jazolash choralari turlariga, ta’lim muassasasining moddiy bazasiga e’tibor beriladi.
Eksperiment-tajriba-sinov metodi - ushbu tajriba asosan ta’lim-tarbiya jarayoniga aloqador ilmiy faraz yoki amaliy ishlarning tadbiqi jarayonlarini tekshirish, aniqlash maqsadida o‘tkaziladi.
Statistika ma’lumotlarini tahlil qilish metodi - ta’lim sohasiga, jumladan, ajratilgan mablag’larning doimiy o’sib borishi, darslik va o‘quv qo‘llanmalari, ko’rgazmali qurollar, o‘qituvchi kadrlar tayyorlash, o’quv binosi qurilishi, xo’jalik shartnomalari va ulardan tushayotgan mablag‘lar statistika metodi orqali aniqlanadi.
Matematik metodlari- o‘qitish nazariyasi, amaliyotida hisoblash matematikasi mashinalari yordamida bir tildan ikkinchi tilga tarjima, dasturli ta’lim va uni mashina orqali boshqarish, o‘qitishni mustahkamlash, baholash orqali ta’lim-tarbiya samaradorligini oshirish differensial va individual ta’lim berysh, ta’lim- muassasasi hisobotini mashinalar yordamida tuzish kabi jarayonlardir.Bu kabi metodlardan foydalanib ta’lim va tarbiya ishlarini olib borish faqatgina pedagog uchun emas, iqtisodiyot jabhalarida faoliyat yuritayotgan boshqaruvchi xodimlar, oilada farzand tarbiyasi bilan shug’ullanuvchi ota-onalar uchun ham, jamoa bilan ishlaydigan mas’uliyatli shaxs uchun ham zaruriy shart bo’lgan metodlardan biridir.
Zero, shaxs tarbiyasidek murakkab jarayonga hech qachon e’tiborsiz bo’lmaslik zarur.

Mavzu bo‘yicha muammoli savollar va topshiriqlar:

1. 
   Pedagogik ilmiy tadqiqot metodlari qanday turlarga ajratiladi?
   
2. 
   Pedagogik kuzatish qanday maqsadda qo’llaniladi?
   
3. 
   Statistika ma’lumotlarini tahlil qilish metodiga ta’rif bering?