O’. Asqarova, Z. Qoraboeva, M. Samidjonova maktabgacha ta`lim metodologiyasi

121 
Muammoning ishlab chiqilganlik darajasi.
Bu yerda ushbu muammoning turli jihatlari bilan shug’ullangan 
mamlakatdagi va chet ellardagi olimlarni sanab o’tish, yetarli darajada 
yoritilmagan masalalarni qayd qilish kerak. Muallif mavzuni yaxshi 
o’zlashtirganligi, ilmiy matnlar va bibliografik material bilan ishlash uslubini 
egallaganligini 
namoyish 
etishi, 
bundan 
oldingi 
tadqiqotchilar 
va 
zamondoshlarning bu muammo yechimiga qo’shgan hissasini to’g’ri baholay 
olishini tasdiqlahhi lozim. 
Mabodo bu muammo yetarli darajada yaxshi o’rganilgan bo’lsa, unda 
mazkur muammoga mavjud nuqtai nazarlarning tasnifini taklif qilish yanada 
yaxshi bo’ladi. Agar muammo yaxshi o’rganilmagan, olimlarning diqqatini o’ziga 
jalb etmagan bo’lsa, unda buni qayd qilib o’tish kerak bo’ladi, chunki bunda ijod 
qilish imkoniyati yanada kengayadi.
Pirovard natijada adabiyotlar tahlili ayni shu mavzuning hali ochib 
berilmaganligi (yoki faqat qisman ochib berilganligi yoki boshqa jihatdan ochib 
berilganligi) va shuning uchun bundan keyin ishlab chiqilishi zarurligi to’g’risidagi 
xulosaga olib kelishi kerak.
Tadqiqotning ilmiy yangiligi. 
Bu yerda tadqiqot jarayonida asosiy xulosa sifatida olingan, to’g’ri qo’yilgan 
masaladan va bu masalaga javob beradigan tadqiq etilgan zaruriy va yetarli 
holatlardan mantiqan kelib chiqadigan fikrlar qisqacha bayon qilinadi. Bu 
aniqlangan yangi fakt, qo’yilgan vazifaning asosli yechimi, yangi ma’lumotlarning 
ilmiy muomalaga olib kirilishi, ma’lum faktning yangicha sharoitlar uchun 
tasdiqlashi bo’lishi mumkin. Yangilikni olingan natijani ma’lum bo’lgan natijalar 
bilan solishtirish orqali ko’rgazmali tarzda ko’rsatish ham mumkin. 
Tadqiqot ob’ekti va predmeti. 
Tadqiqot ob’ekti va predmeti o’zaro bir-biri bilan umumiy va xususiy sifatida 
o’zaro nisbatda bo‘ladi. Ob’yektda uning tadqiqot predmeti bo’lib xizmat qiladigan 
qismi ajratib ko’rsatiladi. Dissertantning asosiy e’tibori ayni shu narsaga qaratiladi, 
aynan tadqiqot predmeti dissertatsiya ishining titul varag’ida sarlavha sifatida 
ifodalangan mavzuini belgilaydi.