Nutq o`stirish nazariyasi va metodikasi fanidan glossariylar

Go’daklik yoshida (0-1)
Bolaning kattalar bilan muloqot shakllari turlicha bo’lishi mumkin, ammo bu eng avvalo kichkintoyning jonlanishini, uning quvnoq kayfiyatini ifodalaydigan o’yin muloqotidir
	Ilk yoshda (1-3)	Kattalar bola bilan nutqiy muloqotga kirishish va uning lug’atini boyitish uchun barcha maishiy vaziyatlardan foydalanishlari lozim. Ayni paytda ular o’z xarakatlarini so’zlash bilan birga amalga oshirishlari va bolani unchalik qiyin bo’lmagan topshiriqlarni bajarishga undashlari zarur.
	Tarbiyachining nutqi	Bu bolalar ona tili va madaniy nutq namunalarini o’zlashtirib oladigan asosiy manba hisoblanadi.
	Nutqni ilk rivojlantirish ikki davrga bo’linadi	Birinchisi – tayyorgarlik, ikkinchisi – mustaqil nutqni rasmiylashtirish.
	Tayyorgarlik davri	Bolalar nutqini kelgusida rivojlantirishda muhim ahamiyat kasb etadi, chunki aynan shu davrda tegishli poydevor yaratiladi. Uning negizida esa kelgusida bola nutqi quriladi, muloqotga ehtiyoj shakllanadi, ovoz munosabatlari, nutqiy harakat (artikulyatsiya) apparati, fonematik tinglash qobiliyati, kattalar nutqini tushunish, so’zlarni eslab qolish va o’zlashtirilayotgan so’zlardan muloqot qilish maqsadida erkin foydalanish rivojlanadi.
	Ravon nutq	Bu fikrlar tuguni bo’lib, unda bolaning mantiqiy fikrlashi, uning qabul qilayotgan narsasini mulohaza qilib ko’rish va uni to’g’ri ifodalash qobiliyati aks etadi.
	Suhbat	Bolalarga dialogik nutqni o’rgatishning asosiy metodlaridan biri hisoblanadi.