Nson xotirasi muqaddas, inson qadri ulug’

I NSON XOTIRASI – MUQADDAS, INSON QADRI ULUG’

9 – may O’zbekiston Respublikasining birinchi prezidenti Islom Abduganiyevich Karimov tashabbusi bilan Xotira va qadrlash kuni deb e’lon qilingan edi. Mana ikkinchi jahon urushing yakunlanganiga, ulug’ g’alabaga 75 yil bo’ldi.

Mustaqillik yillarida bu kun tom ma’noda inson xotirasi va qadriga nisbatan adolatni tiklagan, asl haqiqatni o’zida mujassam etgan muhim tarixiy sanaga aylandi.

Ikkinchi jahon urushida fashizm ustidan qozonilgan g’alabaning 75 yilligi nishonlanayotgan shu kunlarda, yurtimizda shu jangda mardonavor jang olib borgan yurtdoshlarimizga har tomonlama mukofot ajratilmoqda. Binobarin ikkinchi jahon urushidagi tarixiy g’alabani ta’minlashda yurtdoshlarimizning ham jasorat va xizmatlari beqiyos bo’lgan. Jangu jadallarda jon olib-jon bergan minglab o’zbek o’g’lonlari, front ortida tunni tongga uab mehnat qilgan, rizqu nasibasini o’zgalar bilan baham ko’rgan mehri daryo vatandoshlarimiz matonati va fidoyiliklari hech qachon unutilmaydi. Zero inson, xalq,millat,tarixiy xotira bilan tirik,barhayot.

albatta urush qurbonsiz bo’lmaydi deganlaridek, bu fojia ortida minglab insonlar hayoti erta barham topdi. Lekin, bu yo’qotishlarning so’ngi natijasi ijobiy tarzda yakunlangani, kishi qalbini quvontiradi. Shunday ekan bu mavzu oxirini bir she’r bilan yakunlamoqchiman;

Sinovli kunlarda hamjixat bo’lib

“Yurtim” deb o’zini har ko’yga solib,

Kerak bo’lsa yurt, uchun jonini olib,

yaratgan asragin mard o’g’lonlarni

Millionlab insonni tinchini o’ylab

Yurt sha’ni, g’ururni qalbiga joylab,

Chegarada turadi yillaru oylab

Yaratgan asragin mard o’g’lonlarni

Andijon viloyati Jalaquduq tumani 48-umumiy o’rta ta’lim maktabi 11-sinf o’quvchisi Turg’unboyev Samandar