3.2 “Kecha va kunduz” romani badiiy matnidagi kodlar
Abdulhamid Sulaymon o`g`li Cho`lpon XX asr she`riyatining yirik vakili,
o`zbek nasri, dramaturgiyasi, tanqidchiligiga katta hissa qo`shgan mutafakkirdir.
Cho`lpon qator lirik she`rlari va hikoyalarida o`zbek xotin-qizlarining feodal
o`tmishidagi taqdirini keng tasvir va tahlil etgan. Ana shu g`oyalarini
umumlashtirib, jamiyatda xotin-qizlarning huquq va erkinliklari qalamga olingan.
Jamiyatni tag-tomiri bilan isloh qilishga qaratilgan "Kecha va kunduz"
romanini yozishga kirishdi.
Cho`lpon “Kecha va kunduz” romanini 1935-1937-yillarda yaratgan. Bu
roman o`zbek millatining badiiyatda aks etgan solnomasidir. Romanda aks
ettirilgan voq ea 1-jahon urushi endigina boshlangan kezlarda O`zbekistondagi
viloyatlardan birida bo`lib o`tadi. Romandagi qahramonlardan birining: "Biz
yaqindagina eshon to`poloni bo`lib o`tgan joydan uncha olisda emasmiz" degan
so`zlariga qarab, voqea Andijon viloyatining Dukchi eshon qo`zg`aloni bo`lib
o`tgan Marhamat tumaniga yaqin bir joyda bo`lib o`tgan deb aytishimiz mumkin.
Bu davr o`zbek xalqining ikki tomonlama zulm ostida ezilgan davri edi.
Mahalliy boylar bu davrda rus mustamlakachilari bilan og`iz-burun o`pishib, o`z
xalqining tarixiy taraqqiyoti haqida emas, uni iqtisodiy, ijtimoiy, madaniy
qoloqlikdan xalos etish to`g`risida emas, balki o`zlarining rohat-farog`atlari,
moddiy farovonliklari haqidagina jon kuyuntirishar edi! Feodal tuzum va
mustamlakachilik sharoitida xalq to`g`risida o`ylovchi, uning qiyin, mashaqqatli
hayotini yaxshilash haqida qayg`uradigan biron siyosiy kuch mavjud emas edi.
Yozuvchi ana shu tarixiy davrni badiiy tasvir va tahlil etish maqsadida asarni
yozgan. Bu voqea Zebi timsolida ochib berishga qaratilgan.
Bu asarga "O`tkan kunlar asari darajasida" deb baho berilgan. U o`zbek
adabiyotidagi ilk roman-dilogiya bo`lib, ikki kitobdan iborat. Birinchi qismi
"Kecha" 1933-1934 yillarda Moskvada yozilgan. Dastlabki boblari 1935- yilda
Toshkentdagi adabiy jurnalning 1-sonida bosilgan, asar 1936-yilda to`liq holda
nashr etilgan. Asardagi voqealar ilk bahorda boshlanib, qish chillasida tugaydi.
Cho`lpon romaniga "Hamal keldi - amal keldi" maqolini epigraf qilib olgan.
“Kecha va kunduz” romani badiiy matndagi kodlarni o`rganamiz.
Kod atamasi faqatgina strukturalizm fanigagina xos. Kod bu - badiiy
matndagi yashirin fikr yoki g`oyadir. Kod matnning qayerida uchraydi degan savol
tug’ilishi mumkin? Aslida butun bir matn (she’r,doston,roman,drama,hikoya…)
umumiy holatda bitta koddan iboratdir.Butun matnda bitta yoki bir nechta kod
bo`lishi mumkin. Matniy struktural tahlil davomida mana shu kodlar rasshirovka
(shifrni ochish) qilishi lozim. Badiiy matnda ko`plab kodlar bo‘ladi.Ularning bir
qismi strukturalistlar tomonidan quyidagicha nomlangan. Narrativ kod, jumboq
kodi, xronologik kod, tabu kodi, ilmiy kod, axloqiy kod, ramziy kod, tarixiy xod,
murojaat kodi kabi. “Kecha va kunduz” badiiy matnda nisbatan ko’proq
uchraydigan ayrim kodlarning izohini berib o‘tamiz.
Yuqorida ta`kidlaganimizdek, "Kecha va kunduz" romani bahor fasli ta`rifi
bilan boshlanadi. Ana shu ta`rifda badiiy matnda qanday struktur kodlar borligini
tahlil qilmoqchimiz.
Cho`lponning "Kecha va kunduz" romanining I bobidan olingan quyidagi
badiiy matnni keltirib, kodlar haqida fikr yuritamiz va ayrim kodlarni topib
izohlaymiz.
"Har yil bir keladigan bahor sevinchi yana ko`ngillarni qitiqlay boshladi.
Yana tabiatning dildiragan tanlariga iliq qon yugurdi.
Tollarning ko`m-ko`k soch popuklari qizlarning mayda o`rilgan kokillariday
selkillab tushmoqqa boshladi. Muz tagida loyqalanib oqsa suvlarning g`amli
yuzlari kuldi, o`zlari horg`in-horg`in оqsаlar-dа, bo`shalgan qul singari erkinlik
nash`asini kemira-kemira ilgari bosadilar. Simyog`ochlarning uchlaridа yakka -
yakka qushlar ko`rina boshladi. Birinchi ko`ringan ko`klam qushi birinchi yorilgan
bodroq nash`asini beradi. Bultur ekilib ko`p qoshlarni qoraytirgan o`sma ildizidan
yana bosh ko`tarib chiqdi. Muloyim qo`llarda ivib, suvga aylangandan keyin
go`zal ko`zlarning supasida yonboshlashni munchа yaxshi ko`rar ekan bu ko`kat!
Erkaklarning gullik do`ppisiga tegmay, yalang ayollar bilan, ularning sochlari,
gajaklari va ro`mol, popuklari bilan hazillashib o`ynagan salqin shabada... ko`klam
nash`asi bilan sho`xlik qiladi.
Hayot nega bu qadar go`zal va shirin bo`ladi bahorda?! (21)
Romanning nomlanishiga e`tibor qarataylik. Kecha va kunduz. Bevosita
nomlanishning o`zida ham ikkita (xronologik va narrativ) kod yashiringan.
Do'stlaringiz bilan baham: 
