Noorganik moddalar ishlab chiqarish texnologiyalari. Sulfat kislotasi ishlab chiqarish texnologiyasi

Kamerali pechlar har xil shakldagi yopiq kameralar bo'lib, bir-biridan ishlash sharoiti, konstruksiyasi, qizdirish usullari bilan farq qiladi. Bunday pechlar ko'p tonnali ishlab chiqarishlarda, masalan, toshko'mirni kokslashda, keramik buyumlarni kuydirishda ishlatiladi. Tuzlar ishlab chiqarishda ishlatiladigan kamerali pechlarni mufel yoki retorta deyiladi. Laboratoriya amaliyotida ham ishlatiladi.
Vannali pechlarda qattiq materiallar suyuqlanadi va suyuq holatda termikyoki kimyoviy qayta ishlanadi. Keng tarqalgan qudratli vannali pech tiplariga alangali qaytargichli (issiqlik, nur, to'lqin kabilarni qaytaradi) pechlar kiradi. Masalan, marten pechlari metallurgiyaning qaytargichli pechlari, shisha pishirish pechlari hamda metallurgiya konvertorlari va tigel pechlari va boshqalar.
Elektr pechlari elektrotermik jarayonlarda foydalaniladi. Unda elektr energiyasi issiqlik energiyasiga aylanadi va harorat 3000°C gacha ko'tariladi. Elektr pechlari: qarshilik ko'rsatish pechlari, yoy pechlari, quramalashgan (kombinirlangan) va induksion pechlariga bo'linadi.
Induksion pechlarda esa material qizdirilayotgan obyektning (odatda metall)o'zida induksiyalangan tok, ya'ni hosil bo'lgan o'zga-ruvchan tok bilan yoki qizdiruvchidan issiqlik uzatish orqali qizdiriladi.

Sulfat kislotasi deb, SO₃ bilan H₂O ning aralashmasiga aytiladi. Agarda bu aralashma ichidagi SO₃ molekulalari sonining suv molekulalari soniga nisbati birga teng bo’lsa, sulfat kislotasining monogidrat yoki konsentratsiyasi 100% ga teng bo’lgan sulfat kislota eritmasi olinadi, ya’ni

nSO₃/nH₂O = 1 bo’lsa, Cн₂so₄ = 100% bo’ladi.

Agarda bu nisbat birdan kichik bo’lsa, u holda sulfat kislotaning suvdagi eritmasi olinadi.

nSO₃/nH₂O < 1 bo’lsa Cн₂so₄ < 100%.

Agarda bu nisbat birdan katta bo’lsa u vaqtda konsentratsiyasi 100% dan yuqori bo’lgan sulfat kislota yoki oleum olinadi, ya’ni 100% sulfat kislota eritmasida n molekula ozod SO₃ shimdirilgan bo’lsa, oleum- H₂SO₄ * nSO_3(ozod) hosil bo’ladi.

Hozirgi vaqtda sulfat kislotasi yoki oltingugurt uch oksidining suv bilan quyidagi birikmalari mavjuddir. Ularning kristallanish temperaturalari ushbu jadvalda keltirilgan.