Noorganik birikmalarning asosiy sinflari. Ishlatilish sohalarini steam ta’lim yondashuvi asosida o’qitish metodikasi

2.3.Kislotalar mavzularini o’qitish metodikasi
Kislotalar mavzularini o’qitish masalalariga bag’ishlangan ishlar quyidagi ilmiy-metodik adabiyotlarda o’z aksini topgan[7-9,11,19,20,24,25].
Darsning maqsadi:
Ta’limiy: O’quvchilarga mavzuga oid bilim berish.
Tarbiyaviy: Ko’z bilan ko’rib, qo’l bilan bajarib ishonch hosil qilish tuyg’usini tarbiyalash.
Rivojlantiruvchi: `Bilimlarni tartibga solish, mustaqil fikrlash va kimyoviy jihozlar, reaktivlar bilan ishlash ko’nikmalarini hosil qilish.
Darsning vazifalari:
- O’quvchilarga mavzuga nisbatan qiziqish utg’otish, ularda mavzu asosida bilim va ko’nikmalarini shakillantirish va kengaytirish;
- Mavzuga oid laboratoriya ishlarini o’tkazib tahlil qilish hamda tarqatma materiallardagi vazifalar qay darajada o’zlashtirilganligini nazorat qilish, ularning bilimini baholash.
I. Darsni tashkil etish texnologiyasi
Uslub: Og’zaki bayon qilish, “Zinama – zina”, “Bumerang” texnologiyasi.
Shakl: Suhbat – munozara, amaliy mashg’ulot, kichik guruh va jamoada ishlash.
Vosita: Multimediya vositasi, kopyuter, magnit doska, o’quv filmi, tarqatma materiallar: jadval va topshiriq matnlari.
Usul: Og’zaki, yozma, ko’rgazmali, amaliy.
Nazorat: Og’zaki nazorat, kimyoviy didaktik, kuzatish.
Baholash: Rag’batlantirish, 5 balli tizim asosida baholash.
Kerakli laboratoriya jihozlari: probirkalar, plastik taglik, plastik shtativ, tomchi analizi uchun planshet, pipetkali sklyanka, suv purkagich.
Reaktivlar: Distillangan suv, indikatorlar to’plami, kislotalar namunalari (HCl, HNO₃ va H₂SO₄), metall namunalari (Cu, Fe va Zn), Na₂CO₃ eritmasi va CuO.
II. Dars bosqichlari va vaqt taqsimoti
1. Tashkiliy qism. O’quvchilarni darsning maqsadi va borish tartibi bilan tanishtirish – 2 daqiqa.
2. O’tilgan mavzuni so’rash – 6 daqiqa.
3. Yangi mavzuni o’zlashtirishga tayyorgarlik ko’rish – 1 daqiqa.
4. Yangi mavzu bayoni – 25 daqiqa.
5. Yangi mavzuni mustahkamlash – 8 daqiqa.
6. Yakuniy va baholash – 2 daqiqa.
7. Uyga vazifa berish – 1 daqiqa.