Номидаги Ўзбекистон миллий университети “социология” фани бўйича ЎҚув-услубий мажмуа тошкент-2019 «ТасдиҚлайман»

Жинс – аёллар ва эркакларни бир-биридан ажратиб турадиган биологик ва анатомик хусусиятлар.
Идеал тип – воқеликдаги реал мавжудлиги шарт бўлмаган ижтимоий объектнинг асосий белгиларини таъкидловчи конструкция.
Ижтимоий гуруҳ – ҳар бир аъзоси бошқаларига нисбатан тақсимланган кутинмалар асосида маълум бир тарзда ўзаро хатти-ҳаракат қилувчи индивидлар йиғиндиси.
Ижтимоий жараён – структуравий ёки функционал жиҳатдан бир-бирни тақозо этувчи ижтимоий ҳодисалар туркуми.
Ижтимоий институт – маълум бир ҳаёт муҳитида инсонларнинг ўзаро хатти-ҳаракатларини идора этувчи ва унда рол ва статусларни белгиловчи расмий ва норасмий қоидалар, тамойиллар, меъёрлар, ўрнашмаларнинг барқарор йиғиндиси.
Ижтимоий меъёр – ижтимоий хатти-ҳаракатни умумий бошқариб турувчи қатори сифатида намоён бўлувчи қоида.
Ижтимоий мобиллик – индивидлар ва гуруҳларнинг жамият таркибида ўз ўрнини, мавқеини ўзгартириши.
Ижтимоий назорат – ижтимоий тизимнинг уни ташкил этувчи элементларининг ўзаро хатти-ҳаракатларини норматив идора воситасида тартибга солишни таъминловчи ўзини-ўзи идора этиш усули.
Ижтимоий роль – муайян ижтимоий позицияни эгаллаб турган индивиддан кутиладиган хулқ-атвор.
Ижтимоий санкция – ижтимоий актор хатти-ҳаракатининг ижтимоий роллар талаблари доирасида ён-атрофдагилар томонидан ижтимоий қўллаб-қувватланиши ёки жазоланиши кўринишида намоён бўлувчи оқибати.
Ижтимоий стратификация – моддий ва бошқа неъматларга эришиш имконияти билан боғлиқ бўлган жамиятдаги гуруҳлар ўртасидаги тузилмалашган тенгсизликнинг мавжудлиги.
Ижтимоий фикр – тараққиётнинг турли муаммолари, хусусиятлари тўғрисида турли хил ижтимоий гуруҳ ёки қатламларга мансуб кишиларнинг муносабатини ўрганиш натижасида ҳосил қилинган тасаввурлар йиғиндиси.
Ижтимоий ўзгаришлар – ижтимоий гуруҳ ёки жамиятнинг таянч тузилмаларидаги ўзгаришлар.
Ижтимоий қатлам – ижтимоий жиҳатдан бир хил бўлмаган, жамиятда алоҳида ижтимоий гуруҳлар, уларнинг белгиланиши, синфий бўлиниш ифодаси.