Номидаги Ўзбекистон миллий университети “социология” фани бўйича ЎҚув-услубий мажмуа тошкент-2019 «ТасдиҚлайман»

Тузувчи:
Г.Ш.Жиянмуратова – ЎзМУ, Социология кафедраси доценти


Тақризчи:
К.К.Каланов – ЎзМУ, Социология кафедраси мудири, социология фанлари номзоди, профессор
“Социология”
кафедраси мудири:
2019 йил “___” _______________ ______________ К.К.Каланов
ЎзМУ Ижтимоий фанлар
факультети декани
2019 йил “___”_______________ ______________ Х.П.Тухтаев
Ўқув-услубий бошқарма
бошлиғи ўринбосари:
2019 йил “___”_______________ ______________ Д.А.Толипов
1. Ўкув фанини ўқитилиши бўйича услубий кўрсатмалар

Социологик ижтимоий-гуманитар фанлар тизимида муҳим ўринни эгаллайди. Социологик таълимнинг муҳим функцияларидан бири – бу жамият аъзоларида социал муаммоларни тушуниш, уларнинг келиб чиқиш манбаларини аниқлаш ва бартараф этиш йўллари ҳамда имкониятларини қидириб топиш кўнималарини шакллантиришдан иборатдир.

Социология фанини ўзлаштириш жараёнида амалга ошириладиган ишлар доирасида талаба:

• 
  социологияни мустақил фан сифатида шаклланиши омиллари, унинг тадқиқот объекти ва предмети, структураси ва фанлар тизимидаги ўрни, жамиятни яхлит ижтимоий тизимлиги, шахс ва жамият муносабатлари, ижтимоий ҳаётнинг долзарб муаммолари, жамият аъзоларининг шахсий ва ижтимоий фаолиятини мувофиқлаштирадиган социал институтлар фаолияти ҳақида тасаввурга эга бўлиши;
  
• 
  социология фанининг турли йўналишлардаги назарий-методологик асослари, фаннинг асосий тушунча, категориялари ва қонунлари, шахс ва унинг ижтимоийлашув жараёни, социал гуруҳлар таснифи, жамият аъзоларининг ижтимоий мавқеси, ижтимоий-сиёсий жараёнлар маълум бир қонуниятлар асосида кечиши, жамиятда содир бўлаётган ижтимоий жараёнларнинг ўзаро боғлиқликда эканлигини яхлит идрок этиши ҳамда жамият ривожининг асосий омилларини таснифлай олишни билиши ва улардан фойдалана олиши;
  
• 
  турли ижтимоий-маданий хусусиятда кечаётган ҳодисаларни ҳолис қиёсий таққослаш, замонавий жамиятдаги мавжуд ижтимоий муаммолардан устуворларини аниқлаш ва уларни объектив таҳлил қилиш, муайян ҳодиса ва воқеаларга кишиларнинг шахсий муносабатларини ўрганишга қаратилган эмпирик тадқиқотларда иштирок этиш, ижтимоий-иқтисодий, сиёсий ва маънавий соҳаларда ўтказилган амалий социологик тадқиқотлар натижаларидан фойдалана олиш кўникмаларига эга бўлиши керак.