Nomidagi kunduzgi bolalar sog‘lomlashtirish maydonchasi

O‘ZBEKISTON RESPUBLIKASI XALQ TA’LIMI VAZIRLIGI


JIZZAX VILOYaTI XALQ TA’LIMI BOShQARMASI


Mirzacho‘l tuman XTB ga qarashli


6- umumiy o‘rta ta’lim maktabida tashkil etilgan
“Nurli quyosh” nomidagi kunduzgi bolalar sog‘lomlashtirish maydonchasi
faoliyati bo‘yicha
HISOBOT


2022-o‘quv yili uchun.


Mirzacho‘l - 2022
Mirzacho‘l tumani XTBga qarashli 6-umumta’lim maktabi qoshida tashkil etilgan “Nurli quyosh” nomidagi kunduzgi bolalar sog‘lomlashtirish maydonchasida amalga oshirgan ishlari yuzasidan


H I S O B O T I

Jizzax viloyati Xalq ta’limi boshqarmasi Mirzacho‘l tuman xalq ta’limi bo‘limiga qarashli 6-umumta’lim maktabi qoshida Bolalar kunduzgi sog‘lomlashtirish maydonchasida o‘quvchi-yoshlarni ma’nan barkamol, yetuk inson qilib tarbiyalash maqsadida dam olishlarini reja asosida, milliy qadriyatlarimiz, urf-odat va an’analarimizni qamrab olgan holda tashkil etish, ta’lim tarbiya ishlarining samaradorligiga ijobiy ta’sir ko‘rsatish hamda, Mirzacho‘l tuman xalq ta’limi bo‘limining 2022-yil 31-maydagi Mirzacho‘l tuman xalq ta’limi bo‘limiga qarashli umumta’lim maktablari qoshida kunduzgi bolalar sog‘lomlashtirish maydonchalarini tashkil etish to‘g‘risidagi 30-son buyrug‘i va maktabning tegishli buyrug‘iga asosan 2022-yil 6-iyun kuni “Nurli quyosh” nomidagi kunduzgi bolalar sog‘lomlashtirish maydonchasi tashkil etildi.

Bu oromgohga jami 55 nafar o‘quvchi, 6-maktabdan 30 nafar,
13-maktabdan 15 nafar, 7-maktabdan 10 nafar o‘quvchilar jalb qilindi.
2022-yil 6-iyundan boshlab 17-iyungacha har kuni chora-tadbirlar rejasi va kun tartibiga muvofiq 6-maktabda bolalarni kutib olish, ular bilan turli mashg‘ulotlar o‘tkazish, besh tashabbus yo‘nalishlari bo‘yicha musobaqa va tadbirlar o‘tkazildi.
Bolalar sog‘lomlashtirish moydonchasi reja va kun tartibi asosida saot 8:00 dan 12:00 gacha tashkil etildi. 5 ta muhim tashabbus doirasida turli tadbirlar tashkil etildi, oromgohda bolalar ichimlik suvlari bilan doimiy ta’minlandi.
Ishchi guruh a’zolari ya’ni, MMIBDO‘ I.Kozibaev tomonidan turli ma’naviy-ma’rifiy tadbirlar o‘tkazildi. Amaliyotchi psixolog B.Ergashev bolalar uchun psixologik mashqlar va o‘yinlar o‘tkazib keldi. Ijodiy-madaniy masalalar bo‘yicha targ‘ibotchi tomonidan har xil ijodiy va madaniy, kitobxonlik va she’rxonlik yo‘nalishlarida tadbirlar va o‘yinlar tashkil etildi. Maktab kutubxonachisi Sh.Davirova o‘quvchilarga kitobxonlik yo‘nalishida turli xil tadbirlar va bellashuvlar o‘tkazildi. Jismoniy tarbiya fani o‘qituvchisi N.Eshboev sport musobaqalarini o‘tkazib bolalarni vaqtini mazmunli o‘tkazishda amaliy yordam berdi. Informatika fani o‘qituvchisi A.Shirinqulov o‘quvchilarga AKT savodxonligini o‘rgatdi. Tasviriy san’at fani o‘qituvchisi L.Xasanova bolalarni rassomchilik yo‘nalishiga qiziqishlarini oshirishga qaratilgan tanlovlar o‘tkazdi. Maktab texnologiya fani o‘qituvchisi S.Ergashova o‘quvchilarga texnologiya fanidan to‘garaklar tashkil etildi. Bolalarni salomatligi maktab hamshirasi tomonidan doimiy nazorat qilib borildi.
Bundan tashqari oromgohga kelgan bolalar uchun turli xil milliy xalq o‘yinlari, asfaltga rasm chizish, tabiat qo‘ynida dam olib o‘yinlar o‘ynash, raqsga tushish, har kuni badantarbiya mashg‘ulotlari o‘tkazildi hamda bolalarga mos bo‘lgan qiziqarli sarguzasht film va multfilmlar namoyish etildi.
Bolalar sog‘lomlashtirish maydonchasi rahbari Primova Bahriniso kunlik ishlarni o‘qituvchilar bilan hamkorlikda olib borildi.
6-maktab MMIBD o‘rinbosari: I.Kozibaev


Maydoncha rahbari: B.Primova