|
2-statya. Sertifikatlawtirıwdıń maqset hám wazıypaları
Sertifikatlastırıw:
adamlardıń turmısı, den sawlıǵın, yuridikalıq hám fizikalıq adamlardıń buyım-múlki hám de átirap ortalıq ushın qáwipli bolǵan ónimler realızaciylanıwın qadaǵalap barıw;
ónimlerdiń jáhán bazarında báseki ete alıwın támiyinlew;
mámleket kárxanaları, qospa kárxanalar hám isbılarmenler xalıq aralıq kólemdegi ekonomikalıq, ilimiy-texnikalıq sheriklikte hám xalıq aralıq sawda-satıqta qatnasıwları ushın sharayat jaratıw ;
qarıydardı tayarlawshınıń (satıwshınıń, atqarıwshınıń ) hújdansızlıǵınan qorǵaw;
ónim tayarlawshısı (satıwshısı, atqarıwshısı) aytıp ótken sapa kórsetkishlerin tastıyıqlaw maqsetlerinde ámelge asırıladı.
Sertifikatlastırıw májbúriy hám qálegen túrde boladı.
3-statya. Sertifikatlastırıw haqqında nızamshılıq
Sertifikatlastırıw salasındaǵı múnásibetler bul Nızam hám oǵan muwapıqshıǵarılatuǵın Ózbekstan Respublikasınıń basqa nızamshılıq hújjetleri menen, Qaraqalpaqstan Respublikasında bolsa — Qaraqalpaqstan Respublikasınıń nızamshiligi menen de tártiplestirıladi.
(3-statya Ózbekstan Respublikasınıń 2021-jıl 21-apreldegi ÓRQ-683-sanlı Nızamı basıliminde — Nızamshılıq maǵlıwmatları milliy bazası, 21. 04. 2021-j., 03/21/683/0375-san).
4-statya. Xalıq aralıq shártnamalar hám pitimler
Eger, xalıq aralıq shártnama yamasa pitimge sertifikatlastırıw haqqındaǵı nızamshılıqta názerde tutılǵanınan ózgeshe qaǵıydalar belgilengen bolsa, ol halda xalıq aralıq shártnama yamasa pitimniń qaǵıydaları qollanıladı.
(4-statyanıń teksti Ózbekstan Respublikasınıń 2021-jıl 21-apreldegi ÓRQ-683-sanlı Nızamı basıliminde — Nızamshılıq maǵlıwmatları milliy bazası, 21. 04. 2021-j., 03/21/683/0375-san).
5-statya. Ózbekstan Respublikasınıń sertifikatlastırıw shólkemleri
Ózbekstan standartlastırıw, metrologiya hám sertifikatlastırıw agentligi (endigiden tekstte “Ózstandart” agentligi dep júritıladi) Ózbekstan Respublikasınıń milliy sertifikatlastırıw organı bolıp tabıladı.
(5-statyanıń birinshi bólimi Ózbekstan Respublikasınıń 2003-jıl 25-apreldegi 482-II-sanlı Nızamı basıliminde — Olıy Májlis Xabarnaması, 2003-j., 5-san, 67-statya).
“Ózstandart” agentligi usı Nızamǵa muwapıq:
(5-statya ekinshi bóliminiń birinshi abzacı Ózbekstan Respublikasınıń 2003-jıl 25-apreldegi 482-II-sanlı Nızamı basıliminde — Joqarı Jıynalıs Xabarnaması, 2003-j., 5-san, 67-statya) sertifikatlastırıw salasında mámleket siyasatın ámelge asıradı, sertifikatlastırıw ótkeriw maydanınan ulıwma qaǵıydalardı belgileydi, olar haqqında rásmiy informaciyalar járiyalap baradı;
sertifikatlastırıw sistemasın jetilistırıw baģdarlamalarınıń joybarların islep shıǵadı hám de olardı Húkimet talqılawine usınıs etedi;
Ózbekstan Respublikası Ministrler Kabınati menen kelisken halda sertifikatlastırıwdıń xalıq aralıq sistemalarına qosıw haqqında qararlar qabıl etedi, sonıń menen birge sertifikatlastırıw nátiyjelerin óz-ara tán alıw haqqında pitimler dúzedi, sertifikatlastırıw máseleleri boyınsha basqa mámleketler menen óz-ara múnásibetlerde hám xalıq aralıq shólkemlerde Ózbekstan Respublikası atinen is kóredi;
májbúriy túrde sertifikatlanatuǵın ónimlerdiń dizimin belgileydi hám onı Ózbekstan Respublikası Ministrler Kabınati tastıyıqlawına kirgizedi;
(5-statyanıń ekinshi bólimi besinshi abzacı Ózbekstan Respublikasınıń 2006-jıl 4-apreldegi ÓRQ-31-sanlı Nızamı basıliminde — Ózbekstan Respublikası nızam hújjetleri kompleksi, 2006-j., 14-san, 113-statya) sertifikatlastırılǵan ónimlerdiń, attestaciyadan ótkerilgen sapa boyınsha ekspert-auditorlardıń mámleket reestrlerin júrgizedi;
májbúriy sertifikatlastırıw talaplarına ámel etiliwi ústinen mámleket qadaǵalawın ámelge asıradı;
sertifikatlastırıw haqqındaǵı nızamshılıq normaları buzılǵanlıǵı ushın muwapıqlıq sertifikatlarınıń hám muwapıqlıq belgileriniń ámel etiwin toqtatıp turadı hám de olardı biykar etedi.
(5-statya ekinshi bóliminiń segizinshiabzacı Ózbekstan Respublikasınıń 2021-jıl 21-apreldegi ÓRQ-683-sanlı Nızamı basıliminde — Nızamshılıq maǵlıwmatları milliy bazası, 21. 04. 2021-j., 03/21/683/0375-san).
“Ózstandart” agentliginiń sertifikatlastırıw salasındaǵı iskerligin finanslıq támiyinlew deregi — Ózbekstan Respublikasınıń Mámleket byudjeti qárejeti, sonıń menen birge “Ózstandart” agentligi kórsetip atırǵan xızmet ushın alınatuǵın haqınan ibarat.
(5-statyanıń úshinshi bólegi Ózbekstan Respublikasınıń 2014-jıl 11-dekabr degi ÓRQ-381-sanlı Nızamı basıliminde — ÓR QHT, 2014-j., 50-san, 588-statya).
Ónimlerdi sertifikatlastırıwǵa akkreditaciyalanģan organlar:
(5-statyanıń tórtinshi bólimi ekinshi abzacı Ózbekstan Respublikasınıń 2014-jıl 11-dekabr degi ÓRQ-381-sanlı Nızamı basıliminde — ÓR QHT, 2014-j., 50-san, 588-statya).
Sertifikatlastırıw shólkemlestiredi hám ótkeredi;
milliymuwapıqlıq sertifikatların rásmiylestiredi, beredi yamasa sırt el muwapıqlıq sertifikatların tán alıw;
sertifikatlanǵan ónimler ústinen qadaǵalawdı ámelge asıradı.
(5-statyanıń besinshi bólimi Ózbekstan Respublikasınıń 2014-jıl 11-dekabr degi ÓRQ-381-sanlı Nızamine tiykarlanıp shıǵarılǵan — ÓR QHT, 2014-j., 50-san, 588-statya).
Tiyisli sertifikatlastırıw sisteması belgilegen tártipte akkreditaciyalanģan sınaw laboratoriyaları (orayları ) arnawlı bir ónimlerdiń sınawın yamasa arnawlı bir sınaq túrin ámelge asıradı hám de sertifikatlastırıw maqsetleri ushın protokol beredi.
“Ózstandart” agentligi óz wazıypalarınıń bir bólegin ónimlerdi sertifikatlastırıw shólkemlerine hám sınaw laboratoriyalarına (oraylarına) ótkeriwge haqılı bolıp tabıladı.
(5-statyanıń altınshı bólimi Ózbekstan Respublikasınıń 2014-jıl 11-dekabr degi ÓRQ-381-sanlı Nızamı basıliminde — ÓR QHT, 2014-j., 50-san, 588-statya).
Do'stlaringiz bilan baham: |
