|
2. Yoshlarining ma’naviy va huquqiy madaniyatini oshirish
Bugungi kunning eng dolzarb masalalaridan biri sifatida jamiyatda yuksak huquqiy
madaniyatni shakllantirish desak, mubolag‘a bo‘lmaydi. Ayniqsa, Respublika Ma’naviyat
va ma’rifat markazi bu yo‘nalishda yurtimizdagi ko‘plab davlat va nodavlat tashkilotlar
faollik va tashabbuskorlik ko‘rsatayotgani e’tirofga loyiq.
Chunki, kuchli fuqarolik jamiyatiga erishish uchun fuqarolar o‘z huquq va erkinliklarini
yaxshi bilishlari zarur. Zero, inson huquqi va asosiy erkinliklari xalqaro huquqning
yetakchi tamoyillari sirasiga kiradi. Shu sababli, bugungi rivojlangan dunyoda har bir
davlat inson huquq va erkinliklarini, xavfsizligini, yashash sharoitini ta’minlash borasidagi
xalqaro miqyosda qabul qilingan hujjatlarni ratifikatsiya qilgan. Bu hujjatlarga og‘ishmay
amal qilish esa fuqarolarning huquqiy madaniyati qay darajada shakllanganiga bog‘liq.
Fuqarolarning barcha qatlamlari huquqiy savodxonlikka erishishlari, yuksak darajadagi
huquqiy ongga ega bo‘lishlari hamda huquqiy bilimlarini kundalik hayotda qo‘llay
olishlari uchun asosiy e’tiborni nimalarga qaratish lozimligi haqidagi vazifalar Oliy Majlis
tomonidan 1997-yil 29-avgustda tasdiqlangan “Jamiyatda huquqiy madaniyatni
yuksaltirish milliy dastur”da belgilab berilgan. “Huquqiy tarbiyani yaxshilash, aholining
huquqiy madaniyati darajasini yuksaltirish, huquqshunos kadrlarni tayyorlash tizimini
takomillashtirish, jamoatchilik fikrini o‘rganish ishini yaxshilash haqida”gi Farmon, 1997-
yil 29-avgustdagi “Jamiyatda huquqiy madaniyatni yuksaltirish milliy dasturi” hamda
1998-yil 29- maydagi “Jamiyatda huquqiy madaniyatni yuksaltirish milliy dasturini
amalga oshirish chora-tadbirlari to‘g‘risida”gi Vazirlar Mahkamasi Qarori bu sohadagi
islohotlar rivojida muhim dasturilamal bo‘lgan bo‘lsa, endilikda, O‘zbekiston
Respublikasining “Korrupsiyaga qarshi kurashish to‘g‘risida”gi, “Huquqiy axborotni
tarqatish va undan foydalanishni ta’minlash to‘g‘risida” yangi Qonunlari, O'zbekiston
respublikasi Prezidentining 2017-yil 14-martdagi “Huquqbuzarliklar profilaktikasi va
jinoyatchilikka qarshi kurashish tizimini yanada takomillashtirish chora-tadbirlari
to'g'risida"gi qarori aynan yangicha talab va ma’suliyatni oshiruvchi asos bo‘ldi.
Mamlakatimizda huquqbuzarliklar profilaktikasi va jinoyatchilikka qarshi kurashish
borasida qator chora-tadbirlar amalga oshirilmoqda. Huquqbuzarliklar profilaktikasi va
jinoyatchilikka qarshi kurash samarali bo‘lishi har bir fuqaro, hatto, bo‘lg‘usi kadrlar
hisoblanmish – talabalarimizning sa’y-harakatlariga ham bog‘liqdir. Buning uchun
jamiyatning har bir a’zosi yangi qonunlarni,huquqiy hujjatlarni o‘qib,o‘rganib borishi
zarur.Jumladan, kelajagimiz egalari bo‘lgan yoshlar masalasiga o‘tayotgan yil davomida
alohida e’tibor qaratilib, bir qator muhim va dolzarb ishlar amalga oshirildi. “Bugungi
kunda mamlakatimizda olib borilayotgan islohotlar samarasi avvalambor
yuksak ma’naviyatli, mustaqil fikrlaydigan, Vatanimiz taqdiri va istiqboli uchun
mas’uliyatni o‘z zimmasiga olishga qodir yosh kadrlar safini kengaytirishga bevosita
bog‘liq”, degandi Shavkat Mirziyoyevning O‘zbekiston Respublikasi Konstitutsiyasi qabul
qilinganining 25 yilligiga bag‘ishlangan tantanali marosimdagi ma’ruzasida.
Darhaqiqat, O‘zbekiston aholisining 60 foizidan ziyodini 30 yoshgacha bo‘lgan yoshlar
tashkil etishi, yurtimiz ertasi ularning bugun qanday inson bo‘lib ulg‘ayayotgani bilan
chambarchas bog‘liqligi yosh avlod vakillariga jiddiy e’tibor qaratishni talab etadi. 2017-
yil 28-iyul kuni Respublika Ma’naviyat va ma’rifat markazi tashkil etilgani va ushbu sana
yoshlarni ma’naviy yuksalish kuni sifatida belgilangani, yurtimiz yoshlarini har tomonlama
qo‘llab-quvvatlash, rag‘batlantirish bo‘yicha qator sa’y-harakatlar amalga oshirilayotgani
e’tiborga molik. Xalq bilan muloqot va inson manfaatlari yili doirasida navqiron avlod
vakillari bilan yuzma-yuz muloqot va uchrashuvlar tashkil etilib, ularning muammolari
o‘rganilganda, aholining qonunlarimizga, huquqiy masalalarga bo‘lgan qiziqishi
ortganining guvohi bo‘ldik.
Zero, huquqiy madaniyat va ma’naviyat umuminsoniy qadriyatlarining tarkibiy qismidir. U
umumiy madaniyatning shunchaki bir qismi emas, balki uning o‘zagi, negizi, asosidir.
Huquqiy madaniyat deganda, har bir davlatning qonun asoslari, huquq me’yorlarining
mavjudligi, fuqarolarning mavjud qonunlarini bilishi va o‘z faoliyatida ularga rioya etishi
— huquqiy va demokratik davlat barpo etishning muhim sharti haqida fuqarolik jamiyatida
kishilarning yetuk ma’naviyati, ularning huquqiy burch va mas’uliyatlari tushuniladi.
Do'stlaringiz bilan baham: | 
