Nizomiy nomidagi toshkent davlat pedagogika universiteti zamonaviy uzluksiz ta

 ЗАМОНАВИЙ УЗЛУКСИЗ ТАЪЛИМ СИФАТИНИ ОШИРИШ: ИННОВАЦИЯ ВА ИСТИҚБОЛЛАР
 
592 
ХАЛҚАРО МИҚЁСИДАГИ ИЛМИЙ-АМАЛИЙ КОНФЕРЕНЦИЯ МАТЕРИАЛЛАРИ 
Лекин, барча замонларда бўлганидек, элу-юрт манфаатини кўзловчи, қалби пок 
одамнинг хайрли ишларини кўра олмайдиган, ўз манфаати йўлида ҳатто ота-онасини ҳам тан 
олмайдиган кимсалар Навоийнинг адолат, инсоф, тўғрилик ҳақидаги қарашларига қарши 
чиқадилар. 
Амалдорлар кунора подшоҳ Ҳусайн ҳузурига кириб, дўстининг қилмаган ишларини 
қилди деб туҳмат қилиб, уни давлат бошқаруви ишларидан четлаштиришни 
режалаштирадилар. Аммо доно Ҳусайн Навоийнинг халқ ўртасидаги ҳурматини яхши билган 
ва бу ҳурмат-эътибор давлатнинг таянчи эканини чуқур англаган. Унинг вазирлик хизматида 
ўтказган ислоҳотлари туфайли халқ золимлар, фирибгарлар, мансабпараст амалдорлар 
зулмидан қутулиб, енгил нафас ола бошлаган, шоирнинг халққа муҳаббати элу юртнинг унга 
жавобий муҳаббатини уйғотган. Бу эса давлатнинг эътиборини яна ҳам юксакларга 
кўтаришини тушунган. 
Алишер Навоий Султон Ҳусайн Бойқаронинг Хуросондан бир неча минг хонадонни 
Хоразмга кўчириш ниятида эканлигидан хабар топиб, Ватан ҳижрати оғирлигини, азоб-
уқубатларга бойлигини ҳис этиб, шоҳни бу йўлдан қайтаради. Ўзининг ҳақлигига 
ишонтиради. Навоийнинг фикрича, шоҳ адолат билан салтанатни бошқариши лозим, шунда 
мамлакатда тинчлик ва фаровонликка эришиш мумкин. Шоир ёзганидек: 
Шаҳ уббаҳату ҳашматидур адли била, 
Иқбол доғи шавкат эрур адли била, 
Олам эли амниятидур адли била, 
Султонларнинг давлатидур адли била.
Алишер Навоий адолатли ҳукмдор, маърифатли жамият, хақпарвар амалдорлар 
тўғрисидаги ғояларини кейинчалик «Садди Искандарий» достонида атрофлича баён этади. 
Юқоридагилардан кўриниб турибдики, алломаларимиз Абу Райхон Беруний, Абу Али 
ибн Сино, Алишер Навоийнинг комилликка эришиш борасидаги сабоқлари, турмуш тарзи, 
ҳаёт йўли ва яратган асарлари барча даврлар ва миллатлар учун дастурул амалдир. Уларнинг 
адолат, комил инсон тўғрисидаги қарашларини ўрганиш, уларни ҳаётга тадбиқ этиш, ҳозирги 
ёшларининг миллий онгини, эътиқодини шакллантиришда самарали восита бўлади.
Бугунги кунда адолатли давлат, инсонпарвар фуқаролик жамияти қуриш ишида ақл-
идроки билан жаҳонни ларзага солган алломаларимизнинг бизга қолдириб кетган маънавий 
меросидан фойдаланиш шу юртда яшовчи ҳар бир фуқаронинг қўҳна тарих олдидаги 
бурчдир.