Nizomiy nomidagi toshkent davlat pedagogika universiteti zamonaviy uzluksiz ta

Дарснинг тури: янги билим берувчи. 
Дарснинг услуби: аралаш, кўргазмали. 
Дарснинг жиҳози: мавзуга оид расмлар, тарқатма дидактик топшириқлар, 
магнитофон. 
I. Дарсни ташкил қилиш. Уйга берилган топшириқни сўраб баҳолаш ва ўтилган 
мавзулар юзасидан дидактик тарқатма топшириқлар бериб, жавоблар олиш: 
1 - карточка. Алишер қачондан шеър ёза бошлаганлиги ҳақида гапиринг. 
2- карточка. Алишер билан булбулнинг суҳбатини китобдан топиб ўқинг. 
3- карточка. Алишер билан Ҳусайннинг болалари ҳақида гапиринг. 
4- карточка. Шоир ва шоҳ ўртасида қандай ўхшаш жиҳатлар бор? 
II. Ўқувчиларга Навоий ҳикматларини магнитофон орқали эшиттириш ва моҳиятини 
ёритиш. Сўнг дўстлик ҳақида қисқача суҳбатлашиб, янги мавзу — Иброҳим Донишнинг 
«Иноқликда гап катта» шеърини ўқувчиларга ўқиб бериш мазмунини расмлар ёрдамида 
биргаликда таҳлил қилиш, луғат билан ишлаш. 
III. Савол-жавоб ёрдамида шеър мазмунини мустаҳкамлаш: 
IV. Ўқувчиларни баҳолаб, баҳосини эълон қилиш. 
V. Уйга шеърни ёдлаб, Навоий ҳикматларини ўзлари ясаган китобчага ёзиб қўйишни 
топшириб, дарсни якунлаш. 
Хуллас, мактабда ўқувчиларга фақат умумий таълим бериш билан чекланилмайди, 
унда ижодий меҳнатнинг зарурий шарти бўлган мустақил фикрлаш кўникмаси ҳам 
ривожлантирилиб, ҳар бир ишга ижодий ёндашиш ҳисси шакллантирилади ва камол 
топтирилади.
Ўқувчиларга таълим беришда асосий мақсад улар онгига фан асосларини пухта 
сингдириш орқали уларни диёнатли, эътиқодли қилиб ўстириш, ижтимоий ҳаётдаги ҳар бир 
ҳодисага онгли ёндашишни тарбиялаш, эгалланган билим ва кўникмаларни ҳаётга татбиқ 
этиш қобилиятини ўстиришдан иборатдир. Бу жиҳатдан ҳам ўқиш дарслари бошланғич синф 
ўқувчиларини жамиятимиз олға сураётган юксак ғоялар руҳида тарбиялаш воситаси 
ҳисобланади. Шу сабабли ўқитувчининг дарсга тайёрланаётганида ҳал қилиниши зарур 
бўлган педагогик масалаларни олдиндан аниқ белгилаб олиш муҳим аҳамиятга эгадир.
Адабиётлар 
1. Авлоний А. Туркий гулистон ёхуд ахлоқ.-Т.: «Шарқ». 1992.