Nizomiy nomidagi toshkent davlat pedagogika universiteti

o’z  oldiga  ulug’  bir  maqsadni  belgilab,  unga 
etishish  uchun  ixtiyoriy  ravishda  barcha  qiyinchiliklarni  bo’yinga  olib, 
to’siqlarni engib o’tib, olg’a intilishigina riyozat bo’ladi. Inson riyozat chekmay 
umuman  biror  narsaga  erishishi  qiyin.  Xalqimiz  shuning  uchun,  sodda  qilib, 
“jondan kechmasang, jonona qayda”, deydi. Darhaqiqat, riyozatsiz na u dunyo, na 
bu dunyo saodati insonga nasib bo’lmaydi. 
Allohning inoyati bilan tasavvuf irfoni bizning zaminda takomil cho’qqisiga 
ko’tarildi. Hazrati Bahovuddin kasb etilgan irfoniy quvvatni ezgulik yo’lida amaliy 
faoliyatga  tatbiq  etishga  da’vat  etdi.  Xoja  Ahror  va  Jomiy,  Alisher  Navoiy  va 
Maxdumi  A’zamdek  ma’naviyat  darg’alari  ushbu  yo’lda  yuksak  namuna 
ko’rsatdilar. 
Tasavvuf irfonida avval zuhdu taqvo etakchi maqom tutgan bo’lsa, keyinroq 
ilohiy  ishq  tushunchasi  yuqori  o’ringa  ko’tarildi.  Bu  tuyg’u  oxir-natijada  insonni 
fanodan baqoga olib chiquvchi asosiy vosita deb topildi.