Nizomiy nomidagi тoshkenт davlaт pedagogika universiтeтi maтyoqubova тozagul rajapovna alisher navoiy hayoтi va ijodi fani bo’yicha o’quv qo’llanma

Dostoning  badiiy  xususiyatlari.  “Farhod  va  Shirin”  dostonida  yetuk  badiiy 
tasvir  ustasi  ekanligini  namoyon  eta  olgan.  Doston  hazaji  musaddasi  mahzuf 
vaznida  yozilgan.  Shoir  pezaj  tasvirini  alohida  mahorat  bilan  chizadi.  17-bobdagi 
fasllar  tasvirida  shoir  mohir  peyzaj  ustasi  sifatida  namoyon  bo’ladi.  Qahramonlar 
ruhiy  kechinmalari,  ma’naviy  olamini  yoritishda  maktub  janriga  murojaat  qiladi. 
Farhod va Shirinning bir-biriga yozgan maktublari bunga misol bo’la oladi. Shoir 
og’zaki  ijodga  xos  tasvir  usullaridan  mahorat  bilan  foydalanadi.  Farhodning 
ajdarga  qarshi  kurashi,  Ahrimanni  yengishi,  Iskandar  tilsimini  ochishi,  dengizda 
qaroqchilarga  qarshi  kurashi  va  boshqa  epizodlarda    shoir  xalq  ertak  va 
afsonalariga xos tasvir usullaridan san’atkorona foydalangan.    
 Dostonning  ko’pgina  o’rinlarida  tashbeh,  mubolog’a,  tashxis,  tazod,  talmeh, 
istiora,    irsolu  masal  singari  badiiy  tasvir  vositalariga  murojaat  qilinganki,  bu 
shoirga tasirlanayotgan lavha yoki manzarani ta’sirchan ifodalash imkonini bergan.  
Umuman,  dostonning  o’ziga  xos  jihatlari  anchagina.  Asrlar  osha  sevib 
o’rganilayotgan  bu  asarda  ilgari  surilgan  masalalar  bugungi  kun  kishisini 
ma’naviy-ruhiy jihatdan kamol topishida muhim ahamiyat kasb etishi shubhasizdir.