Nizomiy nomidagi toshkent davlat pedagogika universiteti «jahon tarixi»

Tadqiqotning davriy chegarasi. Tadqiqot uchun davriy chegara sifatida XX asr ikkinchi yarmidan toki XXI asr boshlariga qadar bo’lgan davr asos qilib belgilandi. Bu davr oralig’ida Yevropa qit’asiga kiruvchi davlatlar turli sohalarda birlashmalar tuzdilar, keyinchalik bu birlashmalar o’zagi asosida Yevropa Ittifoqi shakllandi.
Mavzuning o`rganilish darajasi. Hozirga qadar Yevropa Ittifoqining tuzilishi tarixiga juda ko`plab asarlar, risola va maqolalar nashr qilingan. Shuningdek bu mavzu yuzasidan ko’plab olimlar ish olib borishgan. Bularga D. Rudenkova, B. Filippov, G. Melnik, A. Shishlo, I. Baranovlar misol bo’la oladi. Ammo ularda mavzuning yoritishda turlicha yondoshuvlar ko`rsatilgan, shu boisdan biz kurs ishida mavzuning o`rganilish darajasini ham shu mavzuga bevosita aloqador tadqiqotlar shuningdek umumiy tadqiqotlardan ham foydalanib ko`rib chiqdik.
Tadqiqotning maqsad va vazifalari. Tadqiqotning asosiy maqsadi Yevropa Ittifoqining vujudga kelishi, uning faoliyati haqida to`laqonliroq to`xtalib, tashkilot tarixiga chuqurroq kirib borish, o`sha davr siyosiy holatini dunyo taraqqiyoti tarixidagi munosib o`rni haqida muayyan tasavvur hosil qilish va bu masalani xolisona, tarixiylik nuqtai nazaridan ochib berishdan iborat. Mazkur maqsadni amalga oshirish o`z navbatida quyidagi vazifalarni belgilab beradi:
 Yevropa Ittifoqining vujudga kelish tarixini o`rganish ;
 Dastlabki Yevropa qit’asi tashkilotlarining paydo bo`lishi va ularning asosiy maqsad va vazifalarini ochib berish ;
 Yagona pul birligi paydo bo`lishi va uning asosiy xususiyatlari haqida fikr yuritish ;
 Yevropa Ittifoqining dunyo siyosatida tutgan o`rni, ularning amaliy faoliyatlarini tadqiq etish ;
 Yevropa Ittifoqi davlatlarining ijtimoiy–iqtisodiy, siyosiy va ma`naviy hayotining yoritilishi va uning tarixiy ahamiyatiga to`g’ri baho berish;
 tadqiqot natijalari bo’yicha zarur xulosalar berish.
Tadqiqotning ilmiy yangiligi, amaliy ahamiyati, amaliyotga tadbiqi. Tadqiqot ishining ilmiy yangiligi shundaki, mavzuni yoritishda tarixiy–qiyosiy usullardan keng foydalanilgan holda umumlashtirilib, xolisona tahlil etildi.
Tadqiqot ishidagi ilmiy xulosalardan o`quv–uslubiy qo`llanmalar yaratishda hamda ijtimoiy fakul’tet professor o`qituvchi va talabalari uchun maxsus kurs ma`ruzalari tayyorlashda va ilmiy–nazariy konferensiya, seminarlar tashkil etishda foydalanish mumkin.