Низомий номидаги тошкент давлат педагогика

Нутқ маданияти – ўз фикрини нутқ ёрдамида мантиқли, тўғри, образли, 
аниқ ва ифодали етказиб бериш малакаларининг ўзлаштирилганлик даражаси
Нутқ техникаси – нутқни тингловчи ёки ўқувчига етказишда 
қўлланиладиган воситалар мажмуи
Нутқ ҳосил қилувчи органлар – нутқни ҳосил қилиш жараёнида 
иштирок этувчи органлар (ўпка, иккита бронх, трахея, кекирдак, бўғиз, 
ҳиқилдоқ, ҳалқум, тишлар, бурун бўшлиғи, лаблар)
Пантомимика – педагог томонидан баён этилаётган муайян фикрни 
алоҳида ажратиб кўрсатишга, маълум қиёфа орқали гавлантиришга имкон 
беради гавда, қўл ва оёқларнинг ҳаракати
Паралингвистик тизим (юнон. “pará” – яқин, нем. “linguistik” – тил) – 
мулоқот таркибида сўзли, назарий маълумотларни сўзсиз воситалар билан 
биргаликда узатилиши англатувчи тизим.
Педагогик мулоқот – педагогнинг ўқувчилар жамоаси, ота-оналар, 
ҳамкасблар ҳамда раҳбарият билан уюштирадиган суҳбати
Педагогик мулоқот маданияти – педагогнинг ўқувчилар жамоаси, ота-
оналар, ҳамкасблар, раҳбарият билан педагогик одоб ва мулоқот талабларига 
мувофиқ ҳолда уюштириладиган суҳбати
Педагогик мулоқотнинг авторитар услуби – педагогик мулоқотда 
ўқитувчининг мутлоқ устунлигини ифодаловчи услуб
Педагогик мулоқотнинг демократик услуби – педагогик мулоқотда 
ўқитувчи ва ўқувчиларнинг ўзаро ҳамкорлигини ифодаловчи услуб
Педагогик мулоқотнинг либерал услуби – педагогик мулоқотда 
ўқитувчининг эътиборсизлигини ифодаловчи услуб
Педагогик мулоқот услублари – ўқитувчилар томонидан педагогик 
жараёнда таълим иштирокчилари билан мулоқотни ташқил этишда 
қўлланиладиган усуллар мажмуи (авторитар услуб, демократик услуб, либерал 
услуб)
Педагогик новаторлик – педагогик фаолиятда илғор тамойил ёки ғояни 
асослаш, янги йўл, усул ёки воситаларни тавсия қилиш, уларни амалиётга 
татбиқ этишга қаратилган ижодий ёндошув
Педагогик одоб – ўқитувчи олдига унинг ўзига, касбига, жамиятга, 
болаларга ва ўқув-тарбия жараёнининг бошқа иштирокчиларига муносабатда 
бўлишига нисбатан қўйиладиган ахлоқий талаблар тизими