Низомий номидаги тошкент давлат педагогика

2. Тест топшириқларининг табақалаштириш мезони. 
Таҳсил олувчилар томонидан қийинчилик даражаси ва мазмунан бир 
хил тест топшириқларни бажариш орқали олинган натижаларига мувофиқ 
табақалаштириш мезони уларни кучли, ўрта ва кучсиз гуруҳларга ажратиш 
мумкин. 
Мазкур табақалаштириш орқали таҳсил олувчилар томонидан 
ўзлаштирган билим, кўникма ва малакалардаги типик камчиликлар ва 
бўшлиқларни аниқлаш, уларга барҳам бериш йўлларини топиш имконини 
беради. 
Педагогик тестлар бу қийинчилик даражаси бўйича ўсиб борувчи, 
ўзига хос шаклга эга, таҳсил олувчиларнинг муайян мазмун юзасидан 
тайёргарлик даражасини сифатли ва самарали назорат қилиш ва баҳолашга 
имкон берадиган топшириқлар тизими саналади. 
Топшириқлар тизими дейилганда, муайян мавзу, боб, бўлим ёки 
курс мазмунини ўзида мужассамлаштирган ва тизим ҳосил қилувчи 
хусусиятга эга бўлган ўқитувчи томонидан танланган топшириқлар 
мажмуаси тушунилади.

---

78 
Тест топшириқларининг ўзига хос шакли оддий савол-жавобдан 
фарқ қилиб, тест топшириғи саволлари ва жавоблари қисқа ва лўнда 
бўлиши билан изоҳланади. 
Тест топшириқларининг муайян мазмуни дейилганда курс 
мавзулари ва уларнинг мазмунидаги назорат қилиниши лозим бўлган ўқув 
материаллари тушунилади. 
Тест топшириқларининг ўсиб борувчи қийинлик даражалари 
тизим шаклида мужассамлаштирилган топшириқда дастлабки тестлар 
репродуктив, продуктив, кейингилари қисман-изланишли ва ижодий 
(креатив) бўлиши назарда тутилади. Тест топшириқларининг қийинлик 
даражаси кўрсаткичлари тизим ҳосил қилувчи, шу билан бир қаторда 
топшириқлар структурасини аниқловчи омил саналади.
Тест топшириқларининг мантиқий жиҳатдан асосланганлиги 
мезони ўзида савол ва топшириқларнинг мантиқий кетма-кетликда акс 
эттирилиши тушунилади. 
Тест топшириқлари мантиқий тузилишига кўра: индуктив ёки 
дедуктив бўлиши мумкин. 
Тест топшириқларининг жавоблари мазмунга мос, қисқа фикрли, аниқ, 
лўнда, тўғри ва нотўғри жумлалардан иборат бўлади. Тест 
топшириқларидаги тўғри ва нотўғри жавобларнинг таркибидаги сўзлар 
бирикмаси ва сони бир хил бўлиши талаб этилади.