Низомий номидаги Тошкент Давлат Педагогика Университети Мактабгача таълим факультети Мактабгача таълим методикаси кафедраси

Мусиқа остида жисмоний тарбиянинг аҳамияти
Жисмоний тарбия — соғлом авлод, соғлом оила, соғлом жамият учун болаликдан қилинадиган амалий ҳаракатдир. Жисмоний мусиқий ҳаракат, ўйинлар, спорт бииан шуғулланиш ирода, чидам, интизом туйғуларини шакллантиради. Бола ўз куч-қуввати, соғломлиги, қадди-қоматининг ихчамлиги, нафас ҳаракатларининг тўғрилигини сезиб туради ва бу билан фахрланади. Бу сифатлар сезилмаган ҳолда дидни тарбиялай боради, болани гўзаллик дунёсига етаклайди. Спортчининг ҳар томонлама уйғун ривожланган қадди-қомати ҳақиқатдан ҳам гўзалдир.
Жисмоний тарбия аслида мусиқа тарбияси билан узвий боғлиқдир. Болаларнинг жисмоний ривожланиши ва такомиллашувининг воситаларидан бири ҳисобланади. ўз имкони даражасидаги ҳузур бағишловчи мусиқа болада инсоний қадриятлар тушунчасини ўстиради. Масалан, ота-онаси ёнида иш ўрганиб, уларга ёрдам бераётган болакай ва қизалоқнинг ўз ҳаракатидан нечоғлик мамнун бўлаётганига эътибор берганмисиз Ҳа, ҳузурбахш мусиқа болага инсоний оламни тушунтира боради. Бундай мусиқани оғир, толиқтирувчи, нафрат уйғотувчи мусиқадан фарқлаш лозим.
Жамиятимиз болаларининг соғлом, бақувват, меҳнатсевар ёки нимжон, чидамсиз, оғирроқ ишга ярамайдиган бўлиб ўсишларига бефарқ бўла олмайди. Мана шунинг учун ҳам болалар тарбияси фақат ота-оналарнинг шахсий иши, вазифаси эмас, балки аввало, бу уларнингжамият олдидаги бурчидир. Ота-оналар болаларнинг жисмоний ва ақлий жиҳатдан ривожланишлари учун жавобгардирлар. Улар болаларга ҳаракат — узоқ яшаш, жисмоний тарбия ва спорт, мусиқа эса соғлик, чиниқиш манбайи эканлигини бола онгига сингдиришлари керак.
Тонги бадан тарбияни ўтказиш вақтида болаларда ҳаракатланувчи малакалар мустаҳкамланади, яхшиланади ва тикланади. Тонги бадан тарбия машғулотларни кундалик режага киритиш шарт.
Тонги бадан тарбия ёрдамида биз болаларни тартибли бўлишга чақирамиз. Уларда ижобий кўникмалар ҳосил бўлади. Тонги бадан тарбия хотирани мустаҳкамлайди. Диққат билан тинглаш, текшириш ва якка ҳолда машқларни бажариш, тонги бадан тарбия эстетик тарбияни ҳам мустаҳкамлайди.