17
-
битирув ишининг саҳифалари тикилади ва махсус жилдга йиғилади,
жилднинг муқоваси иш титул варағининг айнан нусхаси бўлиши лозим (6-илова).
Тугалланган битирув иши муаллиф томонидан имзоланади ҳамда раҳбарга
тақдим этилади. Иш раҳбарга давлат аттестацияси бошланишидан 1 ой олдин
берилади.
Ўн кун ичида раҳбар талаба фаолиятига ҳамда ишнинг тугалланганлиги
ҳақида хулоса ёзади. Хулосада талабанинг мустақил фикрлаш даражаси, илмий
адабиёт билан ишлаш ва тажриба-синов тадқиқотини
ташкил этиш
кўникмасининг мавжудлиги, олинган натижаларнинг аҳамияти ва асосланганлиги,
уларни амалда қўллаш имкониятлари ҳамда битирув ишини ҳимояга тавсия этиш
ҳақидаги хулоса акс этиши лозим.
Битирув иши, раҳбарнинг хулосаси билан бирга кафедра мудирига тақдим
этилади. Кафедра мудири битирув ишини ҳимояга тавсия этиш масаласини ҳал
этади ва бу ҳақда имзо билан тасдиқлайди.
Ўзбекистон Республикаси Олий ва ўрта махсус таълим вазирлигининг 2010
йил 9 июндаги 225-сонли буйруғи билан тасдиқланган “Олий ўқув юртларида
бакалавр битирув малакавий ишини бажаришга қўйиладиган талаблар”
таъкидланишича, йўналиш (мутахассислик) бўйича якуний фанлараро давлат
аттестациясига ва битирув малакавий ишининг ҳимоясига дастурлардан бири
бўйича тўлиқ таълим курсини тугатган ва режада кўзда тутилган барча
синовлардан ўтган шахслар қўйилади.
Кафедра барча
талабларга жавоб берадиган, якунланган ишни тақдим этган
талабаларни ҳимояга тавсия этади. Агар ишнинг сифати билан боғлиқ эътирозлар
мавжуд бўлса, уни ҳимояга қўйиш масаласи илмий раҳбар иштирокида ўтадиган
кафедра мажлисида ҳал этилади.
Битирув малакавий иши белгиланган муддатда тайёр бўлмаган ёки унинг
сифати талабга жавоб бермагани учун ҳимояга қўйилмаган ҳолларда талаба
тегишли фан бўйича давлат аттестациясини топширишга ҳақли.
Мутасадди кафедра томонидан ҳимояга тавсия этилган битирув малакавий
иши факультет декани (ёки у билан келишилган ҳолда кафедра мудири)
18
томонидан тақризга юборилади. Тақризчилар таркиби
битирув малакавий ишига
раҳбарлик қилган кафедранинг мудири тавсияси бўйича декан томонидан
тасдиқланади. Битирув малакавий иши тақризчилари (1 та ички ва 1 та ташқи)
томонидан тақдим қилинган иш 10 кун давомида атрофлича ўрганилиб чиқилади.
Ташқи тақризчилар қилиб малакали мутахассисларни – мактаб, илмий ва
таълимий муассаса, таълимни бошқариш идораларининг ходимларини,
шунингдек, бошқа олий таълим муассасаларининг профессор-ўқитувчиларини
жалб қилиш мақсадга мувофиқ. Ишнинг ижобий жиҳатлари,
камчиликлар,
таклифлар кўрсатилган ҳолда ишга тақриз берилади.
Битирув малакавий ишига берилган тақризда қуйидагилар акс этиши керак
:
1.
Битирув малакавий ишининг умумий тавсифи:
-
мавзунинг долзарблиги ва унинг муаллиф томонидан асосланганлиги;
-
талаба томонидан мазкур мавзуни танлашдаги ижтимоий-педагогик
сабабларнинг асосланганлиги;
-
битирув малакавий ишида кўриб чиқиш учун қўйилган масалаларнинг
тўғрилиги ва мантиқийлиги;
-
мавзуни ёритиш учун фойдаланилган манбаларнинг миқдор ва сифат
нуқтаи назаридан баҳоланиши;
-
педагогик амалиётни таҳлил қилиш, тажриба ўтказиш сифати, уни назарий
идрок этиш даражаси;
-
битирув малакавий ишининг тузилиши, мазмуни ва расмийлаштирилишига
қўйилган талабларнинг бажарилганлиги.
2.
Асосий қисмнинг тавсифи:
-
адабиётларни таҳлил қилиш сифати, муаммонинг назарий асосларини
ёритишнинг қамрови;
-
ишда
амалий тажрибанинг, тажриба-синов материалларининг тўлиқ ва
чуқур тақдим этилиши; уларнинг назарий жиҳатдан баҳоланиши, ишни
такомиллаштириш бўйича амалий тавсияларни ишлаб чиқиш кўникмасининг
мавжудлиги;
19
-
мактабгача, умумий ва ўрта махсус касб-ҳунар таълим муассасаларида
ўқув-тарбия жараёнини янада такомиллаштириш ва уни бошқарув сифатини
яхшилаш учун тавсия этилган тадбирлар тизимининг баҳоси;
-
мавзуни баён этиш услуби ва унинг муаллиф томонидан белгиланган
масалалар доирасининг назарий-амалий йўналишига мантиқан мос эканлигини;
-
мауаллифнинг кўриб чиқилаётган масалаларга бўлган муносабати,
ўрганилган мавзу бўйича фикрларнинг янгилиги.
3.
Битирув ишининг натижалари ва сифатини баҳолаш:
-
мавзуни ёритиш даражаси ва сифати.
Факультет декани кафедра мудирини ва талабани тақриз билан таништиради,
ишни раҳбар хулосаси ва тақриз билан бирга ҳимоя
учун давлат аттестация
комиссиясига юборади.
Битирув
малакавий
ишларининг
ҳимояси
давлат
аттестацияси
комиссиясининг учдан икки қисмидан кам бўлмаган таркиби иштирокидаги очиқ
мажлисида ўтказилади. Ҳимояда ишнинг раҳбари ва тақризчи маслаҳат овози
ҳуқуқидан фойдаланиши мумкин. Тақризчилар ёки улардан бири ҳимояда
қатнашиши шарт мақсадга мувофиқ.
Do'stlaringiz bilan baham: