Nemis tili” kafedrasi 5220100-Filologiya (nemis tili) ta’lim yo’nalishi talabalari uchun

Tuzuvchi: o’qit. N. Kadirova

© Urganch Davlat Universiteti, 2015.

Annotasiya

Mazkur o’quv uslubiy majmua kunduzgi bo’lim 5220100 – Filologiya (nemis tili) va tillarni o’qitish bakalavriat yo’nalishi III bosqich talabalari uchun mo’ljallangan bo’lib, unda nemis adabiyoti fanining asosiy mavzulari aks ettirilgan, shu jumladan adabiyot fanining mohiyati, nemis adabiyoti tarixi va uning adabiy davrlari, yirik nemis adabiyoti vakillari hayoti va ijodlari aks ettiriladi.

Nemis adabiyoti kursining maqsadi nemis tilini organayotgan talabalarni shu mamlakat xalkining og’zaki ijodi, qadimiy yozma yodgorliklari va jahon adabiyotiga salmoqli xissa qo’shgan adiblarning ijod namunalari bilan tanishtirishdan iborat.

Nemis adabiyotiga ajratilgan soatlarning cheklanganliklarini inobatga olib, materialni imperik bayon etishdan tiyilgan holda diqqatni tarixiy adabiy jarayonning asosiy muammolariga qaratilgan. Ma’ruzada yozuvchilarning asarlar tahlili, ularning ma’no murakkabliklari, strukturasi, janrlari, katta tarixiy-siyosiy, falsafiy, estetik shartlarni talab qiluvchu g’oyalar boyligini talabalarga tushunturish ko’zda tutiladi.

Nemis adabiyoti kursi talabalarning nemis xalqi adabiy me’rosini, madaniyatini, san’atini o’rganishga, shuningdek lug’at boyligini yangi so'z va atamalar bilan boyitishga, xozirgi zamon nemis adabiyoti namoyondalarining o'ziga xos yonalishlari va xususiyatlarini o'rgatishga qaratilgan.