Neftberiwshen'likti asırıwda tásir etiw ob'ektlerin tańlaw kriteryaları

6. 2. Qatlamǵa suw gazlı usılda tásir etiw

Bul usıl ju'da ilgeri zamanda qatlam basımın saqlap turıw maqsetinde suw aydaw hám qatlamlardın' basımın sóniw dáwirinde kóplegen kánlerde neftdi sig'iwda tábiy yamasa neftli gazlardı qatlamǵa aydaw texnologiyası retinde paydalanılǵan. Bunda da'slep qatlamǵa gaz basım astında aydalg'an, tek neft penen aralasıp ketpewi támiyinlengen.

Bul usıl neft úyimlerine suw aydaw texnologiyasın qollanılıwıǵa shekem neftdi gaz benen sig'iw tolıq ekonomikalıq tárepten ózin aqlaǵan, ol qudıqlardın' debitin saqlap turıw hám qıya jaylasqan qatlamlardın' neft beriwshen'ligin suyultirilg'an gaz rejimine salıstırǵanda 5-10% asıradı, tik qıya jaylasqan qatlamlarda 15-20% ke asıradı.

Qıya jatqiziqli qatlamlarda úyimlerge suw bastırıw keń qollanılǵanlıǵı bir tárepleme tastıyıqlanǵan, gaz neft penen aralaspag'ani ushın suwǵa salıstırǵanda jaman sig'iwshı agent esaplanadı, onıń tiykarǵı sebebi jabisqaqlig'i (suwdiń jabısqaqlıǵına salıstırǵanda 10 -15 ret) kishi bolǵanlıǵı sebepli, iri gewekli hám joqarı ótkizgish qatlamlar arqalı qazib alıwshı qudıqlarǵa jarıp kiredi.