Neft va gazni qayta ishlash texnologiyasi

3.4.§. Kerosinni yuqori haroratli separastiyalash usulida gidrotozalash

Kerosinni gidrotozalash qurilmasi kerosin tarkibidagi S ni 0,166dan 0,001%gacha tushirishga mo’ljallangan. Qurilmaning ishlab chiqarish quvvati 3975 m³/sut; 1- reaktordiga katalizator hajmi 156 m³; reaktorning ichki diametri – 3,81 m.

Xom-ashyo 4-nasos orqali 8 va 6- issiqlik almashgichdan o’tib, 12 va 5- issiqlik almashtirgichda qizdirilgan vodorod saqlagan gaz bilan aralashtirilib, 3- pechda 4,2 - 4,4 MPa bosimda 380⁰C gacha qizdirilib, 1-reaktorga beriladi. Reaktor pastidan chiqayotgan gaz mahsuloti 18- qaynatgichda va 5,6- issiqlik almashgichlarda sovutilib, 9- separatorga beriladi. 9- yuqori haroratli separatorda aralashma 3,8 MPa bosimda suyuq va gaz fazalariga ajratiladi.

Tarkibida erigan gazlar, benzin saqlagan gidrotozalangan kerosin, 9-separatordan 17- kolonnaga o’tib, barqarorlashtiriladi. 9-separatordan chiqayotgan gazlar aralashmasi 12 va 16- issiqlik almashgichlarda sovutiladi. Undan so’ng 15- havoli sovutgichda sovutilib, 13- suvli sovutgichdan o’tib, 3,7 MPa bosim va 43⁰C haroratda 14- past haroratli separatorda 3-fazali aralashma ajratiladi. Suvdan ajratilgan benzin va kerosindan iborat kondensat 16- issiqlik almashtirgichda qizdirilib, 17- barqarorlashtiruvchi kolonnaga kelib tushadi. 14- separatordan chiqib ketayotgan vodorod saqlagan gaz 11- tomchi ulagichdan o’tib, 10- kompressorda 4,9 MPagacha siqilib, toza vodorod liniyasiga qo’shiladi. 12 va 5- issiqlik almashgichlarda qizdirilgan gaz aralashmasi xom-ashyoga qo’shiladi.17- barqarorlashtirish kolonnasi yuqorisidan benzin va gazlar chiqadi. Pastdan tozalangan kerosin frakstiyasi chiqadi. Kolonnaning pastdagi harorati 267 ⁰C, bosim 0,441 MPa

Qurilmaning ish rejimi.

Ishchi shartlar	Harorat, ^0C	Ortiqcha bosim, MPa
8-issiqlik almashgichdan kiritishda xom-ashyo	70
5- is.al. chiqishda xom-ashyo	251
xom-ashyoga qo’shishdan oldin VSG	264
3-pegi kirishda	218
Reaktorga kirishda: Boshlanishda Olishda
	374
	383
Reaktordan chiqishda	-
9-separatorda	-
12- issiqlik almashgichda kirishda	205
14- separatorga kirishda	43
17- kolonnadan chiqishda	267
10- kompressordan keyin	71