Нбдз руз — Умумий ўрта ва ўрта махсус, касб-ҳунар таълимининг давлат таълим стандартларини тасдиқлаш тўғрисида

Эстетик талаблар:
имкон даражасида ёрқин, рангли, қизиқарли ва чиройли бўлиши;
матнлар ўқувчига маълум ижобий ҳиссий таъсирларни ўтказиши ва ўқув фанига қизиқиш уйғотиши;
бўлим, боб, параграф ва мавзулар матнларининг турли шакл ва ранглар билан ажратилиши, мутаносиблиги таъминланиши;
расм ва тасвирлар бадиий эстетик талабларга жавоб бериши, аниқ ва тиниқ ифодаланиши лозим.
Гигиеник талаблар:
матн ва иллюстрациялар санитария қоидалари, нормалари ва гигиена нормативларига мос бўлиши;
ҳарфларнинг катталиги ва қоғознинг сифати (оғирлиги, қалинлиги, оқлиги ва шаффофлиги) Вазирлар Маҳкамасининг «Таълим муассасалари учун матбаа маҳсулотларининг хавфсизлиги тўғрисидаги умумий техник регламентни тасдиқлаш тўғрисида» 2015 йил 3 июндаги 146-сон қарори талабларига мос бўлиши лозим.
Вазирлар Маҳкамасининг 2017 йил 6 апрелдаги 187-сон қарорига
6-ИЛОВА
Ўзбекистон Республикаси Ҳукуматининг айрим қарорларига киритилаётган ўзгартиришлар
1. Вазирлар Маҳкамасининг 2011 йил 26 августдаги 244-сон қарори (Ўзбекистон Республикаси ҚТ, 2011 й., 8-сон, 73-модда) билан тасдиқланган Ўзбекистон Республикаси Олий ва ўрта махсус таълим вазирлигининг Ўрта махсус, касб-ҳунар таълими маркази тўғрисида низомнинг 8-банди тўққизинчи хатбошидаги «тармоқ таълим стандартлари» сўзлари «академик лицейлар таълим йўналишлари ва касб-ҳунар коллежлари тайёрлов йўналишлари бўйича малака талаблари» сўзлари билан алмаштирилсин.
2. Вазирлар Маҳкамасининг 2012 йил 6 июлдаги 200-сон қарори (Ўзбекистон Республикаси ҚТ, 2012 й., 7-сон, 49-модда) билан тасдиқланган Ўзбекистон Республикасида ўрта махсус, касб-ҳунар таълими тўғрисидаги низомда:
а) 17-банд қуйидаги таҳрирда баён қилинсин:
«ўрта махсус, касб-ҳунар таълими сифатини назорат қилиш қуйидаги усулларда олиб борилади:
ички назорат — ўрта махсус, касб-ҳунар таълими муассасаси томонидан амалга оширилади ва ўрта махсус, касб-ҳунар таълимини бошқариш бўйича ваколатли давлат органи томонидан тасдиқланган рейтинг назорат тизими ҳақидаги низом асосида ўтказилади.
ташқи назорат — Ўзбекистон Республикаси Вазирлар Маҳкамаси томонидан тасдиқланган низом асосида амалга оширилади;
давлат-жамоат назорати — таълимни бошқариш бўйича ваколатли давлат органи ва у билан келишилган ҳолда нодавлат нотижорат ташкилотлари ва кадрларга талабгорлар томонидан амалга оширилади;
якуний давлат аттестацияси — ўрта махсус, касб-ҳунар таълими муассасаларида якуний давлат аттестациясини ўтказиш тартиби тўғрисидаги низомга мувофиқ амалга оширилади».
б) 20-банднинг иккинчи хатбошидаги «тармоқ таълим стандартларини» сўзлари «академик лицейлар таълим йўналишлари ва касб-ҳунар коллежлари тайёрлов йўналишлари бўйича малака талабларини» сўзлари билан алмаштирилсин.
3. Вазирлар Маҳкамасининг 2013 йил 8 майдаги 124-сон қарорига 1-илова «Умумий қоидалар» бўлимининг ўнинчи хатбоши чиқариб ташлансин.
Вазирлар Маҳкамасининг 2017 йил 6 апрелдаги 187-сон қарорига
7-ИЛОВА
Ўзбекистон Республикаси Ҳукуматининг 2020 йил 1 сентябрдан бошлаб ўз кучини йўқотган деб ҳисобланадиган қарорлари
РЎЙХАТИ
1. Вазирлар Маҳкамасининг «Умумий ўрта таълимнинг давлат таълим стандартларини тасдиқлаш тўғрисида» 1999 йил 16 августдаги 390-сон қарори.
2. Вазирлар Маҳкамасининг «Ўрта махсус, касб-ҳунар таълимининг давлат таълим стандартларини тасдиқлаш тўғрисида» 2000 йил 16 октябрдаги 400-сон қарори.
3. Вазирлар Маҳкамасининг «Ўзбекистон Республикаси Ҳукуматининг айрим қарорларига ўзгартириш ва қўшимчалар киритиш тўғрисида» (Ўзбекистон Республикаси Президентининг «Малакали педагог кадрлар тайёрлаш ҳамда ўрта махсус, касб-ҳунар таълими муассасаларини шундай кадрлар билан таъминлаш тизимини янада такомиллаштиришга оид чора-тадбирлар тўғрисида» 2012 йил 28 майдаги ПҚ-1761-сон қарори)» 2012 йил 10 августдаги 243-сон қарорига илованинг 1-банди.
4. Вазирлар Маҳкамасининг «Узлуксиз таълим тизимининг чет тиллар бўйича давлат таълим стандартини тасдиқлаш тўғрисида» 2013 йил 8 майдаги 124-сон қарорининг 2-банди ва унга 2-илова.