Назорат саволлари

• Қоя грунтларнинг минераллари бир-бири билан бикр боғланган. Шу сабабли, иншоотлардан фойдаланишнинг амалдаги шарт-шароитларида улар асосан эластик деформацияланади. Қоя грунтларининг деформацияланиш хусусиятларини материаллар қаршилигидан маълум бўлган умумлашган Гук қонуни асосида баҳолаш мумкин. Демак, деформация модули (Е), кўндаланг кенгайиш коэффициенти () ва силжиш модули (G) қоя грунтлари шакл ўзгаришининг асосий кўрсаткичлари бўлиб хизмат қилади. Бунда силжиш модули қуйидаги ифода бўйича аниқланади:
• G = E / 2 ( 1 + ) . (5.1)
• Заррачалари кучсиз боғланган сочилувчан ва гилли грунтларнинг кучланиш-деформация ҳолатлари, қоя грунтлариникига нисбатан бирмунча мураккабдир. Чунки, бу грунтлар аввало хилма-хил, бир жинсли бўлмаган тузилишга эга, бундан ташқари гилли грунтларнинг механик хоссалари уларнинг таркибидаги сувнинг миқдори ва сифатига ҳам боғлиқдир.

• Емирилган грунтлар қисмларидаги кучланганлик ҳолатларининг замонавий назарияси проф. Н.М.Герсеванов тадқиқотларига асосланган бўлиб, унга кўра, грунтларнинг деформацияланишида қуйидаги уч хил ўзига хос босқичлар бир-биридан фарқланади:
• 1) зичланиш босқичи;
• 2) жадал силжиш ва зичланиш босқичи;
• 3) заминнинг умумий бузилиш босқичи.

• Деформацияланишнинг биринчи босқичи пойдевордан заминга узатиладиган ва грунт қатламларида ҳосил бўладиган кучланишларнинг бирмунча кичик қийматларида кузатилади. Биринчи босқичнинг бошланишида, анча кичик босимлар таъсирида бўлган грунтнинг эластик деформацияланиши ҳисобига, пойдевор бир-оз чўкиши мумкин (5.1-расм, г, ОА чизик). Бунда чўкиш, грунт заррачалари, боғланган сув ва қамралган ҳавонинг эластик деформацияланиши ҳисобига содир бўлади. Грунтнинг эластик деформацияланиш чегарасини тавсифловчи босимга унинг структуравий (тузилиш) мустаҳкамлиги (рс) дейилади.

• 5.1 – расм. Пойдевор заминидаги грунтниинг
• деформацияланиш босқичлари:
• а – зичланиш босқичи; в – жадал силжиш ва зичланиш босқичи;
• в – умумий бузилиш босқичи; г – чўкиш графиги;
• 1 – қаттиқ заррачаларнинг ҳаракатланиш траекторияси;
• 2 – заррачаларнинг деформацияланишгача бўлган жойлашув чизиғи;
• 3 – деформацияланишдан кейинги жойлашув чизиғи;
• 4 – маҳаллий силжиш майдончалари;
• 5 – сирпаниш (силжиш) текисликлари; 6 – бикр ядро