Nazariy savollar. Bir qancha jinoyat sodir etish va uning ahamiyatini muhokama eting

Kazus bo’yicha bosqinchilik harakat orqali sodir etilgan. Ijtimoiy xavfli qilmish oʻzganing mol-mulkini talon-toroj qilish maqsadida shu mulkning egallanishiga qarshilik koʻrsatgan shaxsning hayoti yoki sogʻligʻi uchun xavfli boʻlgan jismoniy zoʻrlik ishlatish yoxud shunday zoʻrlik ishlatish bilan qoʻrqitib hujum qilishda ifodalanadi.
Oqibat ushbu ijtimoiy xavfli qilmish sodir etilishi bilann T ning mulkiga, T va B larning sog’lig’iga zarar yetgan.
Sababiy bog’lanish esa aynan Sh va R larning ishtirokchilikdagi harakatlari natijasidagina ushbu yuqoridagi oqibatlar kelib chiqqan.
Obyektiv tomonning fakultativ belgisi hisoblangan joy ushbu kazus bo’yicha zaruriy belgi bo’lib kelmoqda. Ya’ni ishtirokchi Sh va R lar T ning uyiga kirgan holda jinoyat sodir etmoqda. Bu esa 164-moddaning dispozitsiyasida ya’ni uy-joyga, omborxona yoki boshqa binolarga g‘ayriqonuniy ravishda kirgan holda degan qismida ko’rsatib o’tilgan. Modda dispozitsiyasida aniq ko’rsatilgan holatlarga esa zaruriy belgi sifatida qaraladi. Shu sababdan joy ushbu kazus bo’yicha obyektiv tomonning zaruriy belgisi.
Jinoyat subyekti-jinoyat qonunida nazarda tutilgan ijtimoiy xavfli qilmishni aybli tarzda sodir etgan, jinoiy javobgarlikka tortish yoshiga yetgan jismoniy shaxs.
Ma’lum bir jinoyatni sodir etish uchun
shaxs aqli raso ( belgilangan tartibda aqli norasolik javobgarlikka sabab bo’lmaydi)
subyekt yoshiga yetgan ( jinoyat sodir eta oladigan yoshga ega bo’lish)
jismoniy shaxs ( yuridik shaxslar javobgarligi jinoayt kodeksida mavjud emas)
bo’lishi lozim.
164-modda boyicha ishtirokchi Sh va R lar ushbu jinoyat subyekti bo’lishi uchun aqli raso, o’z harakatlarini anglaydigan jismoiy shaxs va 14 yoshga yetgan bo’lishi lozim.
Jinoyatning subyektiv tomoni- jinoyat sodir etishning ichki tomon belgisi bo’lib, u shaxsning o’zi sodir etayotgan jinoyatiga aybning qasd yoki ehtiyotsizlik shaklidagi ruhiy munosabatida ifodalanadi. Subyektiv tomon aybdan iborat bo’lib, uning qasd va ehtiyotsizlik turlari mavjud.