Nazariy savollar. Bir qancha jinoyat sodir etish va uning ahamiyatini muhokama eting

23.Тайинланган жазони енгилроғи билан алмаштириш масаласини муҳокама қилинг.
Жиноят қонуни алоҳида ҳолларда жазони енгилроғи билан алмаштиришни назарда тутади. Бундай ҳолларда маҳкум 140 жазони ўташдан муддатидан илгари озод қилинади, лекин жазонинг ўталмай қолган қисми енгилроқ турдаги жазо билан алмаштирилади. Жазони енгилроғи билан алмаштириш жазодан муддатидан илгари шартли озод қилишдан фарқли равишда шартсиз ҳисобланади. Жазони енгилроғи билан алмаштириш: - озодликдан маҳрум қилиш жазоси тайинланган маҳкумларга; - озодликни чеклаш жазоси тайинланган маҳкумларга; - ахлоқ тузатиш ишлари жазоси тайинланган маҳкумларга; - жазо тизимидаги ушбу уч жазо турига нисбатан енгилроқ турдаги жазо турига суд жазонинг ўталмаган қисмини алмаштиришини назарда тутади. Маҳкумга нисбатан, жазони енгилроғи билан алмаштириш қоидаларини қўллаш асослари: - маҳкумга озодликдан маҳрум қилиш, озодликни чеклаш ёки ахлоқ тузатиш ишлари жазоси тайинланганлиги; - маҳкум жазо турлари учун ўрнатилган тартиб-қоида талабларини бажарган ва меҳнатга ҳалол муносабатда бўлганлиги; - содир этган жинояти учун тайинланган жазо муддатини маълум бир қисмини ҳақиқатда ўтаганлиги; - маҳкум содир этган жинояти ЖК 97-моддаси 2-қисми, ЖК 118-моддаси 4-қисми, ЖК 119-моддаси 4-қисми ва “Ўзбекистон Республикасига қарши”, “Тинчлик ва инсоният хавфсизлигига қарши жиноят”лар содир этиш, жиноий уюшма ташкил этиш, ядровий, кимёвий, биологик ва бошқа хилдаги оммавий қирғин қуролларини, шундай қуролларни ишлаб чиқариш учун фойдаланиш мумкинлиги аён бўлган материал ва ускуналарни, контрабанда қилиш жиноятларини ташкил этмаслиги.
Озодликдан маҳрум қилиш, озодликни чеклаш тариқасидаги жазонинг ўталмаган қисми ахлоқ тузатиш ишлари билан алмаштирилганда - ахлоқ тузатиш ишлари озодликдан маҳрум қилиш, озодликни чеклаш жазоларининг ўталмаган қисми муддатига тайинланади ва алмаштирилган ахлоқ тузатиш ишлари жазоси уч йилдан ортиқ бўлиши ҳам мумкин. Жазоси енгилроқ турдаги жазо тури билан алмаштирилган маҳкумлар жазонинг тегишли қисмини ўтаб бўлганларидан кейин жазони ўташдан муддатидан илгари шартли озод қилиш қоидаларига биноан жазодан муддатидан илгари озод қилинишлари мумкин. Жазоси енгилроқ жазо билан алмаштирилган шахс жазонинг ўталмаган қисми мобайнида қасддан янги жиноят содир этса - суд унга ЖКнинг 60-моддасида назарда тутилган қоидаларга мувофиқ алмаштирилган жазо турини янги содир этилган жиноят учун тайинланган жазо турига қўшиб, бир неча ҳукм юзасидан жазо тайинлайди.

21.