Nazariy qism. O’rnatilgan tizimlar arxitekturasini yaratish

Monolit tizimlar (monolit yadro).

Mohiyatiga ahamiyat beriladigan bo`lsa, OT-oddiy dasturdir, shuning uchun ham, uni deyarli barcha dasturlar kabi tashkil etish, ya’ni protsedura va funktsiyalardan iborat ko`rinishda yaratish to`g`riroq bo`ladi. Bu holda OT komponentalari mustaqil modullardan iborat bo`lmay, balki bitta katta dastur tashkil etuvchilardan iborat bo`ladi. OT ning bunday tuzilishi monolit yadro (monolithic kernel) deyiladi.

Umumiy holda, monolit tizim “strukturasi” uning strukturasi yo`qligidir. OT, har biri zarur vaqtda bir-birini chaqirishi mumkin bo`lgan protseduralar toplamidan iboratdir. Bu holda, tizimning har bir protsedurasi yaxshi yo`lga qo`yilgan interfeysga egadir. Bunday monolit tizimni ko`rish uchun, hamma alohida protseduralarni kompilyatsiya qilib, keyin ularni yagona ob’yekt fayliga birlashtiriladi (kom`onovkachi yordamida). Bunday tizimlarga, UNIX ning ilk versiyalari va Nowell Net Ware misol bo`la olishi mumkin. Har bir protsedura bir-biri bilan bog`lana oladi. Modulli strukturadan farqli ravishda, modulli strukturada har bir protsedurani maxsus kirish nuqtalari orqali chaqirish mumkin.

16.2-rasm. Monolit OT ni oddiy strukturalashtirish.

Xatto bunday monolit tizimlar har biri ozgina strukturalashtirilgan bo`ladi. OT qo`llaydigan tizimli chaqiriqlarga murojaatda parametrlar qat’iy belgilangan. M-n, registrlar yoki stek kabi joylarga joylashtiriladi, keyin esa, yadro chaqirig`i yoki supervizor chaqirig`i kabi mahsus uzilish komandalari bajariladi. Bu komanda mashinani foydalanuvchi rejimidan yadro rejimiga (supervizor rejimi ham deyish mumkin) o`tkazadi va boshqaruvni OT ga uzatadi. Keyin esa OT, qaysi tizimli chaqiriq bajarilishi kerakligini aniqlash uchun, chaqiriq parametrlarini tekshiradi. Bunday so`ng, Ot protseduralarga ko`rsatkichni o`z ichiga olgan jadvalni belgilaydi va mos protsedurani chaqiradi.

Bunday tashkil etilgan OT quyidagi strukturaga ega bo`ladi:

1. 
   Bosh dastur – u talab qilinadigan servis protseduralarini chaqiradi.
   
2. 
   Tizimli chaqiriqlarni amalga oshiradigan xizmatchi protseduralar topplami.
   
3. 
   Xizmatchi protseduralarga xizmat qiladigan utilitalar topplami.
   

Bu modelda, har bir tizimli chaqiriq uchun bittadan xizmatchi prtsedura mavjuddir. Utilitalar, bir nechta servis protseduralarga kerak bo`lgan funktsiyalarni bajaradi. protseduralarni uchta qatlamga bo`lish quyidagi rasmda ko`rsatilgan.