Nazariy o‟quv mashg‟ulotining o‟qitish texnologiyasi

Vorislik  huquqi  deyilganda  vafot  etgan  fuqaroning  mol-mulki  uning 
merosxo‘rlariga  o‘tishi  tushuniladi.  Vorislik  huquqi  fuqarolar  vafot  etganidan 
keyin  ularning  mulkiy  va  ayrim  nomulkiy  huquqlari  va  majburiyatlarining 
boshqa  shaxslarga  o‘tishi  natijasida  kelib  chiqadigan  munosabatlarni  tartibga 
soladi. 
Fuqarolarning  shaxsiy  va  xususiy  mulkiga  taaluqli  bo‘lgan  mol-mulk 
meros  qilib  olish  ob‘ekti  hisoblanadi.  Bular  fuqarolarning  mehnat  daromadlari 
va  jamg‘armalari,  uy-joy,  xonadon,  uydagi  yordamchi  xo‘jalik,  uy-ro‘zg‘or 
buyumlari va ashyolari, shaxsiy ista‘mol buyumlari va jihozlardir. 
Vafot  etgan  kishining  xususiy  mulk  huquqi,  ayrim  majburiyat  huquqlari 
(jamg‘arma bankida omonatni talab qilib olish, sug‘urta puli, qalam haqi olish 
huquqi),  shuningdek  mualliflik  huquqi,  ixtiro  qilish  huquqlari  meros  bo‘lib 
o‘tadi.