Nawriz -ba’ha’r bayrami

8-klass III sherek

Do’retiwshilik bayan ushin tekst

Tema: “Nawriz –ba’ha’r bayrami “

Jobasi :

I. Kirisiw
a) Nawriz xalqimizdin’ milliy bayrami
II. Tiykarg’i bo’lim
a) Nawriz baxit ha’m ba’har bayrami
b) Nawriz bayraminin’ o’zgesheligi haqqinda
III. Juwmaqlawshi bo’limi
Nawriz u’lkemizge baxit, tinishliq ha’m bereket alip kel!
Nawriz –ta’biyattin’ ha’m insaniyattin’ oyaniw pasli. Mehir –miriwbet ,qayir-saqawatliq nishani,jaqsiliq timsali .
Nawriz-Orta aziya xaliqlarinin’ uzaq zamanlardan berli belgilep kiyatirg’an tariyxiy, milliy
ham diyqanshiliq bayrami. Ba’har bayrami Nawrizdin’ kiriwin belgilewdin’ de o’zine ta’n salt da’stu’rleri bar. G’alaba xaliqliq seyilleri ,gu’l bayramlari ,su’melek pisiriw siyaqli da’stu’rler ,mine usilarg’a jatadi.
Nawriz- xaliq seyili bolg’anlig’i sebepli,onda qosiq aytiwda ayyemnen a’det esaplang’an. Duwtar tarlarinan qulaqtin’ qurishin qandirip taralg’an namalar deysizbe, kewilli aytislardi
Atqariw ma, yamasa na’zik qosiqlarimizdin’ atqariliwi ma - qullasi bunday shadli
Ku’nlerde aytilatug’in qosiq tu’rleri og’ada ko’p bolg’an. Qosiq aytiwg’a og’ada sheshen,
ziyrek, dilwar adamlar tan’lap aling’an.
Biyilg’i Nawriz-g’a’rezsizligimizdin’ jigirma ekinshi Nawrizi . Bul ku’ndi hamme asig’a ku’tedi.Sebebi respublikamiz ga’rezsizlikke eriskennen son’, bul bayramdi jildan-jilg’a u’lken
Saltanat penen belgilep kelmekte. Bul bayramdi o’tkeriw siyasat da’rejesine ko’terilgen. Usi ku’ni xalqimizdin’ neshe a’sirlik tariyxi, umitilip baratirg’an bay ma’deniyati, da’stu’rleri
Qayta jan’alanip, olarg’a degen su’yispenshiligimiz artip, maqtanish sezimleri tolg’andiradi.
Xaliqqa jan’a ku’sh –jiger ha’m keleshekke degen u’lken u’mitler bag’ishlaydi.
Nawriz – tatiwliq timsali. Bul ku’ni barliq shan’araqlardin’ qazanlarinda su’melek,
Nawrizliq go’je ha’m tag’i basqada milliy tag’amlar pisirilip, tuwisqanlar,qon’si-qobalar
Bir jerge jiynalip,oyin-zawiqlar quradi.

8-klass IV sherek Ana tili ha’m a’debiyati pa’ninen jazba jumis materiallari

Tema : “A’deplilik – ag’la paziylet”

Jobasi :

I. Kirisiw
a) Adep haqqinda tu’sinik
II.Tiykarg’i bo’lim
a) A’depli boliw ag’la paziylet
III.Juwmaqlaw
Adeplilik haqqinda danishpanlar pikiri

Ha’kim Uliqqpan a’lpayimliqta jeti qa’siyet bar dep ko’rsetken. Olar ziynetke miyasar boliw, saltanatsiz ma’rtebe, miynetsiz ibadat, diywalsiz qorg’an, keshirim sorawdan

Qutiliw, perishtedey tazaliq, ayiplardan qutilmaq dep esaplaydi. Demek, insan haq kewil
Ha’m a’lpayim boliw arqali hu’rmetke erisip, heshqanday saltanatsiz-aq ma’rtebege iye
Bolatug’inin, hesh kimdi zorlamasa da sizdi siylap, qa’sterlewge miyasar etetug’inin na’zerde tutqan.
Xalqimizda “ A’dep-insan bezegi” degen danaliq ga’p bar. A’dep-ikramliliq ta’rbiyasina ata-babalarimiz erte da’wirlerden baslap-aq ayriqsha itibar menen qarag’an/
Sebebi, a’deplilik- ulliliq na’rwani. Bul na’rwan arqali insan o’z maqset-ma’nziline
Jetiwi mu’mkin. Adamda ilim ha’m aqil bolsa, a’depte boliwi da’rkar. Aqil u’stine
A’dep qosilsa, nur u’stine nur boladi. Ulliliqqa aqil ha’m a’dep arqali erisiledi.
Bayliq qa’diri saqawat penen, ku’sh qa’diri batirliq penen iske asqaninday, aqil qa’diri
A’deplilik penen ju’zege shig’adi. Insan qanshelli bay,aqilli,ilimli,ku’shli boliwina qaramastan, a’dep-ikramli bolmasa kopshilik arasinda hu’rmetke erise almaydi. A’dep-ikramilliq bolsa en’ ag’la insaniyliq paziyletler: kishipeyillik, a’lpayimliq, siylasiq shiyrin
So’zlilik siyaqli belgilerdi o’z ishine qamtiydi.

9-klass oqiwshilari ushin I sherek jazba jumis materiallari

Tema : Ilimli elge nur jawar
Jobasi :
I. Kirisiw
II. Tiykarg’i bo’lim
Ilimli elge nur jawart
III. Juwmaqlawshi bo’lim
Ilim u’yreniw haqqinda danishpanlar pikirleri
“Ilimli elge nur jawar” –deydi xalqimiz. Bul danaliq sozdin’ sag’asi payg’ambarimizdin’ ha’dislerinde ekeni belgili. Haqiytatinda da ilim insane ushin o’mir azig’I bolip tabiladi .
Ilim rawajlanbay el rawajlanbaydi. Xaliq xojalig’inda ilimiy-texnikaliq progress engizetu- g’in ,ekonomikani alg’a ilgeriletug’in ilim ekenligin da’lillewdin’ keregi joq shig’ar.
Ilim arqali insane ta’biyattin’ sarqilmas bayliqlarin xaliq ma’pine jumsap,elimizdin’ jan’a
Qurg’in, Abadan turmista jasawina eriseri so’zsiz. Sonliqtan, rawajlaniw jolina tu’sken har qanday ma’mleket birinshi gezekte bilimnin’ ,ilimnin’ o’siwine , ilgerilewine jetilisiwine u’lken itibar beredi .
Ayirim adamlar du’nyada nannan son’gi qa’dirli na’rse ilim dep aytadi. Buni maqqullaw-
Ga tuwra keledi. Nandi biniyat etiw,onin’ molshilig’in ta’miyinlew ha’m abadan ja’miyet du’ziw
ushin ilim kerek.
Ilimdi rawajlandiriw ushin en’ da’slep bilimli qa’nigeler tayarlaw kerek.