"Navro’zing-yangi kun, yangi davroning muborak, jonajon O’zbekistonim" nomli bayram tadbiri

2-boshlovchi: 

Alisher Navoiy Navro`zni samimiy sevgida, Farhod-u Shirinlarning, Layli-yu Majnunlarning otash qalbida izladi.         

1-boshlovchi: 

Xullas, Navro`z Beruniydan Durbekka qadar, Navoiydan Nasimiygacha, Zulfiya, Abdulla Oripov, boringki, qaysi  bir ijod ahlini oling, Navro`zni  tarannum etmagan bo`lsa.

 

2-boshlovchi

 Endi navbatni qizlarimiz ijrosidagi lapar va aytishuvlarga bersak. Marhamat. (Navro’zga mos qo’shiq ijro etiladi) kanaldan tavsiya videorolik mavjud. https://t.me/BSTK6431

Aytishuv (qizlar va yigitlar o`rtasida).   

Yigitlar: 

Anor ekan joyning ichin o`ydim-o`ydim,

Qizlar ziyofati uchun serka so`ydim.

Sen esimga tushganingda dol bo`yida,

Ichib turgan choyimni yerga qo`ydim.

Qizlar: 

Kun isisa, suv bo`yida salqinlaymiz,

Betni yuvsak, oydek bo`lib yarqillaymiz.

Navbahorda o`lan degan ko`p bo`ladi,  

To`ylab yursak siz chechanga yaqinlaymiz…

   

Yigit va qizlar aytishuvi avliga chiqqan mahal sahnada Bahoroy va Navro`zjonlar paydo bo`ladi.

_____________: 

To`xtanglar, biz tomon kelayotgan kim bo`ldi?      

_____________: 

Iye, tanimadingmi, ular har gal qarshi oladiganimiz Bahoroy va Navro`zjonlar-ku!

Hamma: 

Xush kelibsan , Bahoroy, Xush kelibsan, Navro`zjon.

Bahoroy:                                         

Mana men go`zal bahor,

Yetib keldim sizlarga.

Jon kiritdim daraxtlaru,

G`unchalar,ildizlarga.

Oppoq o`rik gullarim bilan,

Iliq quyosh nurlarim bilan.

Yashillanib,goh olovlanib,

Kamalekdek ming xil tovlanib

Mehmon bo`lib keldim sizlarga.

Navro`zjon: 

Assalomu alaykum beg`ubor qalblari o`yin kulguga, qo`shig`u raqsga, san`atga ixlosmand, qadrli yoshlar! Mana o`lkamizda so`lim bahor. Hammayoqda go`zallik, yangilanish, yasharish. Yoshu-qari, barcha-barchaning qalbida shodlik, beg`uborlik. Yurtimizning har bir go`shasida, har bir mahalla, xonadonida baxtiyorlik, quvonch, sho`x kuy va qo`shiqlar avjida.

     

Bahoroy:

Nimasini aytasiz. Hazrat Alisher Navoiy aytganidek, Har tuning qadr o`lubon, Har kuning o`lsun Navro`z! Azizlar, biz sizning Navro`zni, bahodirni maxf etuvchi qo`shiq va raqslaringizni miriqib tomosha qildik, endi xalqimizning Navro`zga oid qanday milliy an`ana  va  udumlarni bilasiz?

_________: Navro`zda o`tganlarni xotirlaydilar.

_________: Navro`zda qarindosh-urug`larnikiga boriladi.

_________: Navro`zda qariyalarga bayram taomlari jo`natiladi.

_________: Navro`zda g`iybat qilinmaydi.

_________: Navro`zda   otni , itni urmaydilar.

_________: Navro`zda    bug`doy undirilib, sumalak pishiriladi.

_________: Navro`zda   yangi liboslar kiyiladi.

_________: Navro`zda   yaxshi niyyatlar qilinadi.

_________: Navro`zda   ko`cha va dalalar tozalanadi.

 1-boshlovchi:  

do`stlarim kelinglar, Navro`zda   o`ynaladigan o`yinlarni o`ynaymiz. 

Qizlar: kim oladi-yo, kim oladi deb o`rtaga ro`molchani tashlaydilar.

Keyin (Shavkat) va (Akmal) men olaman-o shuginaniyo deb, ikkovlari ham yengiladi. Shunda polvon bobo bolalar bilan so`rashib, ro`molchani oladi va bolalar  polvon boboni maxtashadi.

 Polvon bobo: Qani,men bilan kim sinashadi?

O`zbek kurashi polvonlaridan biri (______________): Mana, biz bor deydi va u boboni hurmatini qilib, yengilib beradi va bobo ketadi.

Navro`zjon: 

Ofarin bolajonlar,siz rostanam o`z milliy urf-odatlringizni qadrlar ekansiz.

Bahoroy: 

Navro`z shunday bir xalq bayramiki, u faqat hamma davralardan shodiyonalargina, farovonliklargina, baxt-iqbolga daxldor onlarnigina      saralab oladi, o`ziga singdiradi, doimo boyib boradi. Shu bois ham Navro`zga to`ylar ulanib ketadi.