Navoiy viloyati

Navoiy viloyati - Oʻzbekiston Respublikasi tarkibidagi viloyat. 1982-yil 20-aprelda Buxoro va qisman Samarqand viloyatlari hududlaridan tashkil etilgan. 1988-yilda maʼmuriy birlik sifatida tugatilib, 1992-yil boshida qayta tiklandi.Navoiy viloyati tarkibida 8 ta tuman (Uchquduq, Tomdi, Konimex, Karmana, Xatirchi, Nurota, Navbahor, Qiziltepa) va 2ta shahar (Navoiy, Zarafshon) mavjud. Markazi Navoiy shahri. Uchquduq tumani tumanlar ichida o’ziga xos o’rni mavjud. U xuddi sahroda ichidagi javohirdek ko’kka bo’y cho’zgan maskan. Bu yerdagi aholi odatda Navoiy kon-metallurgiya kombinatiga qarashli korxonalarda ish yuritishadi. Uchquduq tumanining madoni 4663 kv km. Tumanga «Uchquduq» nomining berilishi shahar markazi joylashgan hududda XX-asrning boshida mavjud bulgan uchta quduqdan kelib chiqqan. Tuman shimoliy tomonidan Qozog‘iston Respublikasi Qizil O’rda viloyati, sharqiy tomonidan Tomdi tumani, g‘arbiy tomonidan Qoraqalpag‘iston Respublikasi va Xorazm viloyati, janubiy tomonidan esa Buxoro viloyati va Konimex tumani bilan chegaradosh.

1956-1958 yillari Davlatimiz tomonidan tuman hududida geologik qidiruv ishlari olib borilishi natijasida tuman territoriyasida sanoat konlari ( tilla, uran, marmar va boshqalar)ga juda boy ekanligi aniqlanganidan so’ng, 1958-yili Uchquduq shahri qurilib, Navoiy tog‘ metallurgiya kombinatiga qarashli Shimoliy kon boshqarmasi tashkil topgan hamda ular tomonidan sanoat mahsulotlarini qidirish va ishlab chiqarish ishlari bugungi kunga qadar davom etib kelmoqda. O‘zbekiston SSR Yuqori Kengashi Prezidiumining 1958-yil 14-sentyabrdagi 343-sonli Farmoni asosida Uchquduq poselkasi tashkil etilib qurilgan. O’zbekiston SSR Yuqori Kengashi Prezidiumining 1979-yil 19-apreldagi 120-sonli Farmoni asosida Uchquduq poselkasiga shahar maqomi berilib, Uchquduq shahar Kengashi va uning bo’limlari tashkil etilgan. O‘zbekiston SSR Yuqori Kengashi Prezidiumining 1982-yil 22-apreldagi 22-sonli Farmoni asosida Navoiy viloyati tashkil topishi bilan Uchquduq shahri va yangi tashkil etilgan Uchquduq tumani Navoiy viloyatiga bo’ysunuvchi tumanlar va shaharlar tarkibiga kirgan. Xullas 1982-yil 22-aprelda Uchquduq tumani tashkil topgan. Tumanning markazgacha bo’lgan masofasi 300km. Aholisi – 37028 kishi.

Tuman hokimi Hamroyev Soli Farmonovich

Uchquduq tuman xalq ta’limi bo‘limi 1979-yil tashkil topgan. Bugungi kunda Uchquduq tuman xalq ta’limi bo‘limiga qarashli 20 ta muassasa faoliyat yurtib kelmoqda. Shundan 19 ta umumiy o‘rta ta’lim maktablari va 1ta "Barkamol avlod bolalar markazi" ni tashkil qiladi. 19 ta umumiy o‘rta ta’lim maktabining 4 tasida ta’lim o‘zbek tilida, bular 7,10,18,20 –maktablari, 1 ta 3- maktabda ta’lim rus tilida, 3 ta muassasada, ya’ni 4,5,13 – maktablarda ta’lim o‘zbek va qozoq tillarida, 11 ta umumiy o‘rta ta’lim maktablarida ta’lim qozoq tilida olib boriladi. Bular, 1,2,6,8,9,11,12,14,15,16,19 – maktablaridir. Umumta’lim maktablarida 2019-2020 o‘quv yili sentabr oyidan boshlab 7631 nafar o‘quvchi ta’lim – tarbiya olmoqda. O‘quvchilarning 3650 nafarini qiz bolalarni tashkil qiladi. Umumta’lim maktablarida 820 nafar malakali pedagoglar faoliyat yuritib kelmoqda. Shundan 13 nafari oliy toifali, 163 nafari birinchi toifali, 227 nafari ikkinchi toifali, 417 nafari mutaxassis o‘qituvchilarni tashkil qiladi. Tumanda maktabgacha ta’lim muassasalari 10ta, bular 2-MTT-Quyoshjon, 3-MTT-Buldirshin, 4-MTT-Qaldirg’och, 2-MTT filliali-Kichkintoy, 6-MTT-Jasulan, 7-MTT-Yosh geologlar, 8-MTT-Quyoncha, 9-MTT-Baldirg’an, 10-MTT-Joy of babies, 11-MTT-Kelajak yulduzlari

Uchquduq tumanida 13ta mahalla fuqarolar yig’ini mavjud.

1.“Do'stlik” MFY

2.“Mustaqillik” MFY

3.“Aytim” MFY

4.“Navoiy” MFY

5.“Abay” MFY

6.“Kokpatas” MFY

7.“Shalxar” OFY

8.“Bozdun” OFY

9.“Altintov” OFY

10.“Mingbuloq” OFY

11.“Yo‘lchilar” OFY

12.“Uzunquduq” OFY

13.“Kukayaz” OFY





Uchquduq tumani kokimi S.Xamroev keksalik gashtini surayotgan Ikkinchi jahon urushi mehnat fronti qatnashchilari holidan xabar olib, sovg’alar ulashmoqda. Jumladan: Fedorova Borodolina, Ismoilova Ulman, Krivenyuk Anna kabi faxriy onaxonlar xonadonida bo’lgan va ularni e’zozlab bayram bilan qutladi. Dunyoda xalqlar ko’p, urf-odatlar ham shunga yarasha, ammo inson qadr-qimmati, uning manfaati yuksak qo’yilgan yurt hamma joyda ham topilavermaydi. Urush yillaridagi ocharchiligu suronli kunlarni eslasam ko’zimga yosh qalqiydi, bugungi kunimizga farovon turmushimizga ko’z tegmasin.Yana biz singari yakka-yolg’iz qariyalarga hukumatimiz, tuman va mahallamiz tomonidan ko’rsatilayotgan e’tibor va e’zozdan minnatdormiz—deydi Ikkinchi jahon urushi qatnashchisi Krivenyuk Anna.