Navoiy viloyat pedagog kadrlarni qayta tayyorlash va malakasini oshirish

Mavzu yoki muammo qo‘yish bosqichi. O‘qituvchi tomonidan belgilanadi.  
Rejalashtirish.  O‘qituvchilar  va  o‘quvchilar  loyiha  ustidagi  ishlar  qachon  boshlanishi,  qancha  vaqt 
egallashi, qanday resurslar qo‘llanilishi, ular qaerdan olinishi.  
Material yig‘ish, uslublar. Loyiha ustida ishlash.  
Tadqiqot natijasi. Bu hisobot, film, ko‘rgazma, audiokasseta, ma’ruza, rasm, she’r bo‘lishi mumkin.  
Baholash.  Loyihalarda,  odatda,  ko‘p  predmetlarni  qamrab  olishi  sababli  ehtimol  ishlarni  bir  necha 
o‘qituvchilar tomonidan  baholanishi nazarda tutiladi..  
Afzalliklari.  O‘quvchilarga  alohida  predmetlar  o‘rtasidagi  farqli  tomonlar,  uyg‘unliklar  izohlanadi  hamda 
maktabdagi  mashg‘ulotlar  va  tashqi  dunyo  o‘rtasidagi  aloqani  ko‘rishga  yordam  beradi.  O‘quvchilarni  biron 
faoliyatni  olib  borish,  o‘z  vaqtini  rejalashtirish  va  jadval  bo‘yicha  ishlash  uchun  o‘z-o‘zini  tashkillashtirishga 
o‘rgatadi.  O‘quvchilarga  o‘qituvchi  boshchiligida  ta’lim  olish  jarayonini  boshqarishga  imkon  beradi. 
O‘quvchilar ham bir-biri bilan shuningdek, maktabdan tashqarida turli odamlar bilan hamkorlik qilishlari uchun  
shart-sharoitlar yaratiladi. O‘quvchilarni o‘z tadqiqotlarining natijalarini va o‘z fikrini ifodalash hamda  asosli  
fikrni himoya qilishga  o‘rgatadi.  Bu o‘quvchilarda muhim  hayotiy ko‘nikmalarni shakllantiradi.   
1-qadam.  “Zararli  odatlar  muzeyi”  mashqining  borishi:  Ishtirokchilar  maktab  direktori,  o‘qituvchi, 
o‘quvchi, ota onalar guruhlariga ajratiladi.  
2-qadam.  Guruh  ishtirokchilari  o‘zlarining  guruhlarida  belgilangan  rollardagi  salbiy  xususiyatlarni    aks 
ettiruvchi buyumlar timsollarini chizadilar yoki yasaydilar.  
3-qadam. Har bir guruh o‘zlarining rol xususiyatlaridan kelib chiqib yasalgan buyumlarini “Zararli odatlar 
muzeyi”ga  taqdim  etadi.  Aynan  mana  shu  taqdim  etilgan  salbiy  xususiyatlar  timsollari  maktab  direktorining 
maktabni boshqarishida, o‘qituvchi dars o‘tishida, o‘quvchi darsga tayyorgarlik ko‘rishi mobaynida, ota-ona esa 
o‘z farzandiga tarbiya berishida yo‘l qo‘yilgan kamchiliklar sifatida e’tirof etiladi.